بنگلورو۔14؍مارچ(ایس او نیوز) کرناٹک میں اگلے تین ماہ میں ہونے والے اسمبلی انتخابات کے پیش نظر کانگریس نے ریاست کے تمام علاقوں میں ڈویژنل کمیٹیوں کی تشکیل دی ہے، جس کے ذریعے ریاست کے ہر حلقے کی انتخابی نگرانی رکھی جائے گی۔ اس تعلق سے بنگلور کے مضافات میں واقع ایک پرائیویٹ ریسورٹ میں پارٹی کی پہلی انتخابی کمیٹی میٹنگ میں کرناٹک کو چار ڈویژنوں بنگلور، میسور، کلبرگی اور بیلگام میں تقسیم کیا گیا، اس کرناٹکا پردیش کانگریس کمیٹی ( کے پی سی سی ) انتخابی مہم کمیٹی کی قیادت ڈی کے شیوکمار کریں گے، کے پی سی سی کارگزار صدر دنیش گنڈو راؤ ، ایس آر پاٹل اور اے آئی سی سی جنرل سکریٹری بی کے ہری پرساد کی نگرانی میں تمام اُمور انجام دئیے جائیں گے۔
بنگلور ڈویژن کی کمیٹی میں ڈی کے شیوکمار ،رکن پارلیمان ویرپا موئیلی ، ریاستی وزراء جناب روشن بیگ ، کے جے جارج ، رام لنگا ریڈی، ایم کرشنپا ، کرشنا بائرے گوڈا، ایس ایس ملیکارجن اور رکن کونسل جناب سی ایم ابراہیم ،این ایس یو آئی چیرمین منجوناتھ گوڈا ،کے بی کرشنا مورتی، اراکین پارلیمان ڈی کے سریش ، ایس پی مدو ہنومے گوڈا، وی این چندرپا، پروفیسر راجو گوڈا اور کے سی رام مورتی شامل ہیں۔
میسور ڈویژن کیلئے قائم انتخابی نگران کمیٹی میں کے پی سی سی کارگزار صدر دنیش گنڈو راؤ ، رکن پارلیمان کے ایچ منی اپا ، ڈاکٹر کے رحمن خان ،ریاستی وزراء ایچ سی مہادیوپا، رمناتھ رائے، کے پی سی سی نائب صدر بی ایل شنکر ، سابق وزراء ،امبریش ،موٹما، رانی ستیش ، ونئے کمار سورکے ، اور رکن پارلیمان آر دھروا نارائن شامل ہیں۔
بلگام ڈویژن کیلئے قائم کمیٹی میں کے پی سی سی کارگزار صدر ایس آر پاٹل، سابق گورنر مارگریٹ آلوا ، ریاستی وزراء آر وی دیش پانڈے ، ایچ کے پاٹل، ایم بی پاٹل، اے آئی سی سی سکریٹری ستیش جارکی ہولی ،رکن اسمبلی سی ایس ناڈا گوڈا ، سابق رکن کونسل سلیم احمد ، ریاستی وزیر اوما شری ، رکن پارلیمان پرکاش ہکیری اور مہیلا کانگریس صدر لکشمی ہبالکر شامل ہیں۔
کلبرگی ڈویژن کی کمیٹی میں بی کے ہری پرساد ، رکن کونسل الم ویر بدرپا، ریاستی وزیر سنتوش لاڈ،سابق وزراء پی ٹی پرمیشور نائک ، شیوراج تنگڑ گی، یوتھ کانگریس صدر بسون گوڈا بادرلی، وی وی نائک وغیرہ شامل ہیں۔
آج اس ضمن میں کمیٹیوں کی تشکیل کیلئے منعقدہ الیکشن کمیٹی میٹنگ میں اے آئی سی سی جنرل سکریٹری انچارج کرناٹک کے سی وینو گوپال وزیر اعلیٰ سدرامیا ،کے پی سی سی صدر ڈاکٹر جی پرمیشور، لوک سبھا میں کانگریس کے لیڈر ملیکارجن کھرگے ، کے پی سی سی انتخابی مہم کمیٹی چیرمین ڈی کے شیوکمار، کے پی سی سی کارگزار صدور دنیش گنڈو راؤ ، ایس آر پاٹل، ریاستی وزیر جناب روشن بیگ ،اراکین پارلیمان کے ایچ منی اپا ، بی کے ہری پرساد اور دیگر نے شرکت کی۔