نئی دہلی21اکتوبر(آئی این ایس انڈیا؍ایس او نیوز) بین الاقوامی مارکیٹ میں خام تیل کی قیمتوں میں کمی کیسبب مقامی مارکیٹ میں پٹرول اور ڈیزل کے دام گزشتہ چار دنوں سے مسلسل گھٹ رہے ہیں۔ اس دوران پٹرول 1.09 روپے اور ڈیزل 50 پیسے فی لیٹر سستا ہوا ہے۔انڈین آئل کارپوریشن کے مطابق اتوار کو پٹرول اور ڈیزل کے دام دہلی میں بالترتیب 25 اور 17 پیسے فی لیٹر کم ہوئے۔ دارالحکومت میں اتوار کو ایک لیٹر پیٹرول کی قیمت 81.74 روپے اور ڈیزل کی قیمت 75.19 روپے ر ہے۔ عروس البلاد ممبئی میں دام بالترتیب 87.21 روپے اور 78.82 روپے فی لیٹر ہے۔کولکاتہ میں پٹرول اور ڈیزل کی قیمتیں بالترتیب 83.58 روپے اور 77.04 روپے فی لیٹر تو چنئی میں بالترتیب 84.96 روپے اور 79.51 روپے فی لیٹر فروخت ہورہے ہیں۔