جی ایس ٹی انٹیلی جنس کے ڈائریکٹوریٹ جنرل کے گروگرام زونل یونٹ دو تاجروں کو گرفتار کیا
نئی دہلی20ستمبر(ایس او نیوز؍آئی این ایس انڈیا)جی ایس ٹی انیٹلی جنس کے ڈائریکٹوریٹ جنرل کے گروگرام زونل یونٹ نے سامان کی حقیقی سپلائی کے بغیر ان پٹ ٹیکس کریڈٹ( آئی ٹی سی) انوائسیز دھوکہ دہی سے جاری کرنے کے معاملے میں دو تاجروں وکاس گوئل اور راجوسنگھ کو گرفتار کیا ہے۔وکاس ایم /ایس مائیکا انڈسٹریز لمٹیڈ، دہلی اور بھیواڑی اور ایم/ ایس سٹیلائٹ کیبلس پرائیویٹ لمٹیڈ بھیواڑی کاڈائریکٹرہے اور راجو ایم/ ایس گیلکسی میٹل پروڈکٹس کا پرووائڈر ہے۔ ان دونوں کو 14 ستمبر کو گرفتار کیا گیاہے یہ دونوں 450 کروڑ روپے فرضی سپلائی کے79.21 کروڑ روپے کی مالیت کے قابل ٹیکس کی چوری میں ملوث ہے۔دونوں ملزموں نیاتنی بھاری رقم کی ٹیکس چوری کرکے سنگین جرم کا ارتکاب کیا ہے اور سیکشن 132 (1) کے ذیلی سیکشن(5) کی دفعات کے تحت سی جی ایس ٹی قانون 2017 کے تحت دونوں ملزموں کا جرم ناقابل ضمانت ہے۔اس طرح دونوں کو سی جی ایس ٹی قانون2017 کے سیکشن 69 (1) کے تحت گرفتار کیا گیا ہے اور انہیں گروگرام کے فرسٹ کلاس مجسٹریٹ جوڈیشیل مجسٹریٹ کے سامنے پیش کیا گیا۔بہت سے مقامات پر تلاشی کی کارروائیاں انجام دی گئیں اور تلاشی کے دوران بہت سے قابل اعتراض دستاویزی ثبوت پائے گئے۔ تحقیقات کے دوران یہ معلوم ہوا کہ یہ دونوں تاجر ایم /ایس مائیکا انڈسٹریز چلائے رہے تھے اورانہوں نے جعلی انوائسیز جاری کرنے کے لیے دوکمپنیاں ایم/ ایس گلیلکسی میٹل پروڈکٹس دہلی اور ایم/ ایس سری رام انڈسٹریز دہلی قائم کی تھی۔مزید تحقیقات جاری ہیں اوروہ ایک دوسرے کو جعلی بل انوائسیز جاری کرنے میں ملوث ہے۔کمپنیوں کے دونوں ڈائریکٹرس اور فرموں کے دونوں پروپرائٹرز نے اعتراف کیا کہ لین دین کی تمام ادائیگیاں تیسرے فریق کے ذریعہ کی گئی اور یہ ادائیگی سال کے آخر میں کی گئی تھی۔جبکہ کوئی حقیقی ادائیگی انوائس نہیں ہوئی۔