ڈی جی پر ڈی آئی جی کے الزامات کی جانچ کاحکم: سدرامیا

Source: S.O. News Service | By Shahid Mukhtesar | Published on 14th July 2017, 3:33 PM | ریاستی خبریں |

بنگلورو،13؍ جولائی(ایس او نیوز) شہر کے پرپنا اگراہارا سنٹرل جیل میں دو قیدیوں کو شاہانہ سہولتیں مہیا کرائے جانے کے متعلق اعلیٰ پولیس عہدیداروں کے درمیان ایک دوسرے پر کیچڑ اچھالے جانے کے واقعہ کے بعد وزیراعلیٰ سدرامیا نے اس کی اعلیٰ سطحی جانچ کے احکامات صادر کردئے ہیں۔آج لنگ سگور میں اخباری نمائندوں سے بات چیت کرتے ہوئے سدرامیا نے کہاکہ بنگلور سنٹرل جیل میں اے آئی اے ڈی ایم کی سربراہ ششی کلا نٹراجن اور فرضی اسٹامپ پیپر گھپلے کے ملزم عبدالکریم تیلگی کو خصوصی سہولتیں فراہم کرنے کیلئے ڈی جی پی ستیہ نارائن راؤ کی طرف سے دو کروڑ روپیوں کی رشوت لئے جانے کے متعلق ڈی آئی جی روپا نے الزامات لگائے ہیں۔ اس حقیقت کو سامنے لانے کیلئے تحقیقات کا حکم دیاجاچکا ہے۔رائچور میں مختلف ترقیاتی کاموں کی شروعات کے سلسلے میں آمد کے بعد وزیراعلیٰ نے تونڈی ہال میں اخبار ی نمائندوں سے بات چیت کرتے ہوئے کہاکہ اعلیٰ پولیس عہدیداروں سے انہوں نے اس ضمن میں تبادلۂ خیال کیا ہے اور جانچ کی ہدایت دی ہے، اور کہا ہے کہ جلد ہی جانچ کی رپورٹ پیش کی جائے، تاکہ خاطیوں پر کارروائی کی جاسکے۔ تنگا بھدرا آبی ذخیرہ سے گندگی کی نکاسی کے متعلق سوال پر سدرامیا نے کہاکہ اس سلسلے میں تکنیکی رکاوٹیں ہیں۔ اسی لئے ایک متبادل منصوبہ تیار کرنے پر غور کیاجارہاہے۔ 

ایک نظر اس پر بھی

سدارامیا کے ساتھ کھلی بحث کیلئے تیار ہوں‘‘ میسور میں منعقدہ کمار پروار ریلی میں کمار سوامی کا چیلنج

میسور کے اسمبلی حلقہ چامراجہ میں واقع ہبال میں جنتا دل ( یس ) کی جانب سے ’’کمار پروا ریلی ‘‘ کا انعقاد کیا گیا۔ اس موقع پرسابق وزیر اعلیٰ و جنتا دل ( دل ) کے ریاستی صدر ایچ ڈی کمار سوامی نے اپنے خطاب میں وزیر اعلیٰ سدارامیا کو چیلنج کرتے ہوئے کہا کہ بھارتیہ جنتا پارٹی کو بر سر عام ...

بنگلوروشہرکے 98؍فیصد ذخائر آب کا پانی استعمال کے لائق نہیں ای ایم پی آر آئی کی تحقیقاتی رپورٹ میں چونکا دینے والا انکشاف

گزشتہ روز دوحصوں پر مشتمل تحقیقاتی جائزہ رپورٹ کا پہلا جائزہ رپورٹ کا مسودہ ماحولیاتی مینجمنٹ اور پالیسی ریسرچ انسٹی ٹیوٹ (ای ایم پی آر آئی) کی طرف سے پیش کیا گیاہے۔

کرناٹک کی بیٹی دپیکاپڈوکون کی حفاظت ہماری ذمہ داری پدماوتی اداکارہ کو سکیورٹی فراہم کرنے سدارامیا کا کھٹر سے اصرار

کرناٹک کی بیٹی بالی وڈ کی معروف اداکارہ دپیکا پڈوکون کی فلم پدماوتی کی یکم دسمبر کو ہونے والی نمائش آخرکار ملتوی کردی گئی۔ ہدایت کار سنجے لیلا بھنسالی کی فلم پدماوتی آغاز شوٹنگ سے ہی مختلف تنازعات کا شکار رہی۔

بابری مسجدمعاملہ میں تمام مسلمان مسلم پرسنل لابورڈ کے ساتھ، قاضی رضوان صدیقی مشہود صدر بہمنی فاؤنڈیشن گلبرگہ کا بیان

ممتاز سماجی خدمت گزار و صدر بہمنی فاؤنڈیشن ،گلبرگہ قاضی رضوان الرحمٰن صدیقی نے بابری مسجد مسئلہ کے ضمن میں آرٹ آف لیونگ کے ذمہ دار شری شری روی شنکر کی بے جا مداخلت کی مذمت کرتے ہوئے کہا ہے کہ خود ان کے مذہب سے تعلق رکھنے والے آل انڈیا اکھاڑا پریشد کے صدر نریندر گری نے بھی بابری ...

بیماریوں کی روک تھام کے لئے گلبرگہ یونیورسٹی میں سہ روزہ بین الاقوامی کانفرنس

رجسٹرار گلبرگہ یونیورسٹی پروفیسر دیانند اکسر اور پروفیسر کے لنگ اپا آرگنائیزنگ سیکریٹری بین الاقوامی کانفرینس Advances in disease managemrnt کے بیان کے بموجب بیماریوں کی روک تھام سے متعلق گلبرگہ نیورسٹی کیمپس میں یہ کانفرینس 21نومبر سے شروع ہورہی ہے