بنگلور،21اگست(ایس او نیوز/آئی این ایس انڈیا)بنگلور کی جیل میں بندانادرمک چیف ششی کلا کو جیل میں مل رہے وی وی آئی پی ٹریٹمنٹ کا حال ہی میں انکشاف ہوا تھا،اب  ششی کلا کی ایک اور ویڈیو سامنے آئی ہے، جس میں ششی کلا جیل کے اندر آ رہی ہیں۔ویڈیو سے پتہ چلتا ہے کہ ششی کلا جیل کے مرکزی دروازے سے باہر جا رہی ہیں۔ششی کلا کے علاوہ، ان کی ساتھی کی الاورسی بھی ویڈیو میں دیکھی جاسکتی ہیں۔
واضح ہے کہ وی وی آئی پی سہولت اور اب یہ ویڈیو جیل انتظامیہ پر ایک بار پھر بہت سے سوالات اٹھاتے ہیں۔اس ویڈیو کو انسداد کرپشن بیورو کی تحقیقات کے لئے دیا گیا ہے۔ششی کلا کو لے کر کئی انکشافات کرنے والی سابق ڈی آئی جی ڈی روپا کا کہنا ہے کہ انہوں نے سی سی ٹی وی فوٹیج سے منسلک تمام رپورٹ پیش کر دی ہے۔
آپ کو بتا دیں کہ حال ہی میں انکشاف ہوا تھا کہ بنگلور کی مرکزی جیل میں بند اے آئی ڈی ایم کے چیف ششی کلا کو وی وی آئی پی ٹریٹمنٹ مل رہا ہے۔رپورٹوں کے مطابق ششی کلا کے لئے ایک علیحدہ باورچی خانے کا انتظام جیل میں ہے۔ڈی آئی جی روپا نے اپنے باس کو دی حالیہ رپورٹ میں کہا ہے کہ ششی کلا کو خصوصی سہولیات مل رہی ہیں، اس میں کھانا بنانے کے لئے خصوصی کچن بھی شامل ہے۔ڈی آئی جی روپا کی طرف سے انکشاف کیا گیا تھا۔ڈی آئی جی روپا نے یہ خط جیل کے ڈی جی پی ایچ ایس این راؤ کو لکھا ہے۔یہ کہا گیا ہے کہ ششی کلا نے حکام کو رشوت کے طور پر دو لاکھ روپیہ دیا ہے۔یہاں تک کہ ڈی جی جی نے ڈی جی پی کو اس میں شامل کیا ہے۔