ہندوستانی کرکٹ ٹیم کے ایک اہم ستون ہیں مہندرسنگھ دھونی: عرفان پٹھان

Source: S.O. News Service | By Shahid Mukhtesar | Published on 12th July 2018, 12:27 AM | اسپورٹس |

جموں ،11؍جولائی (ایس او نیوز؍آئی این ایس انڈیا) ہندوستانی کرکٹ ٹیم کے آل راؤنڈرعرفان پٹھان نے مایہ ناز کرکٹرمہندرسنگھ دھونی کو ہندوستانی کرکٹ ٹیم کا اہم ستون قرار دیتے ہوئے کہا کہ دھونی جس طرح کھلاڑی کی سرپرستی کرتے ہیں وہ قابل تعریف ہے۔

پٹھان نے بتایاماہی (ایم ایس دھونی) انڈین کرکٹ ٹیم کے ایک اہم ستون ہیں۔ جس طرح وہ میدان کے اندراورمیدان سے باہر ساتھی کھلاڑیوں کی سرپرستی کرتے ہیں، وہ قابل تعریف ہے‘۔

عالمی کپ 2019 میں کھیلے جانے والے کرکٹ کے لئے ہندوستای ٹیم میں شامل کئے جانے کے امکانات پر عرفان پٹھان نے کہا ’میں کرکٹ کھیلتا رہوں گا اور اس سے لطف اندوز ہوتا رہوں گا۔ جب کھلاڑی مسلسل اچھی کارکردگی کا مظاہرہ کرتا ہے تو اس کے لئے راہیں کھلی ہوتی ہیں‘۔

پٹھان نے ہندوستانی کرکٹ ٹیم میں کھیلنے کا آغاز 2003 میں سورو گانگولی کی کپتانی میں کیا تھا۔ ہندوستانی کرکٹ میں اب تک کی بہترین کپتانی کے بارے میں پوچھے جانے پر عرفان نے کہا ’کپتانوں کا ایک دوسرے سے موازنہ کرنا بہت مشکل ہے۔ گانگولی نے بحیثیت کپتان جو خدمات انجام دیں، وہ ہمیشہ یاد رکھی جائیں گی۔ ایم ایس دھونی جنہوں نے ملک کو مسلسل جیت دلائی، کی خدمات بھی قابل تعریف ہیں‘۔

انہوں نے کہا ’اس وقت بھی ہندوستانی ٹیم وراٹ کوہلی کی کپتانی میں اچھی کارکردگی کا مظاہر کررہی ہے‘۔ بتادیں کہ جموں وکشمیر کرکٹ ایسوسی ایشن نے عرفان پٹھان کو آنے والے رانجی ٹرافی سیزن کے لئے ریاست کے کھلاڑیوں کا کوچ مقرر کیا ہے۔

ایک نظر اس پر بھی

عالمی کپ: پاکستان نے جنوبی افریقہ کو 49 رنوں سے ہرایا

ورلڈ کپ 2019 کا اہم ٹرین میچ آج پاکستان اور جنوبی افریقہ کے درمیان لارڈز میں کھیلا گیا۔ پاکستان نے ٹاس جیت کر پہلے بیٹنگ کی اور جنوبی افریقہ کو 309 رنز کا ہدف دیا جو وہ مقررہ اوورز میں حاصل نہ کرسکی اور 259 رنز بناکر آؤٹ ہوگئی۔

محمد شامی کی ہیٹ ٹرک، ہندوستان کی عالمی کپ میں 50 ویں جیت

محمد شامی کی زبردست ہیٹ ٹرک اور جسپريت بمراه، يجویندر چہل اور ہاردک پانڈیا کی بہترین کارکردگی سے ہندوستان نے شاندار واپسی کرتے ہوئے افغانستان کو سانسیں روک دینے والے آئی سی سی ورلڈ کپ میچ میں ہفتہ کے روز 11 رنوں سے شکست دے دی۔ ہندوستان کی ورلڈ کپ کی تاریخ میں یہ 50 ویں جیت ہے۔