میچ سے پہلے جانسن کی پیشن گوئی، بولے ہندوستانی ٹیم کو بے چین کر دے گی دھرم شالہ کی پچ
دھرم شالہ،22؍مارچ(ایس او نیوز؍آئی این ا یس انڈیا)آسٹریلیا کے سابق فاسٹ بولر مچل جانسن کا خیال ہے کہ ہندوستانی ٹیم دھرم شالہ کی تیز گیند بازوں کے لیے سازگار حالات میں بے چین ہو جائے گی جبکہ سٹیو سمتھ اور ان کے کھلاڑی زیادہ جم کر کھیلیں گے۔ جانسن نے فاکس اسپورٹس سے کہاکہ دھرم شالہ کا میدان شاندار ہے اور میں نے اسے صرف ایک بار دیکھا اور پھر اس پچ پر گھاس تھی، اس لیے میرا خیال ہے کہ آسٹریلوی شاید پریقین ہوں گے اور ہندوستانی تھوڑا بے چین، مجھے لگتا ہے کہ اس سیریز میں وہ اعتماد سے بھرے ہیں اور سکور لائن بھی اس کا گواہ ہے۔ آسٹریلیا کے اس تیز گیند باز نے کہا کہ ہفتے کے روز سے شروع ہونے والے چوتھے اور آخری ٹیسٹ میچ میں تیز گیند بازوں کے لیے سازگار حالات میں پونے ٹیسٹ میچ کے ہیرو سٹیو اوکیفے کی جگہ جیکسن برڈ کو حتمی الیون میں رکھا جا سکتا ہے۔
آسٹریلیا کے سابق فاسٹ بالر نے کہاکہ مجھے لگتا ہے کہ اس ٹیسٹ میچ میں ہمیں ایک اسپنر کے بغیر کھلیں گے۔ جانسن نے کہاکہ اسپنروں نے اس پوری سیریز میں بہت اچھا کردار نبھایا۔ اسپنروں پر یہاں اچھی کارکردگی کا کافی دباؤ تھا اور مجھے لگتا ہے کہ انہوں نے ٹکڑوں میں اچھی کارکردگی کی۔درمیان میں کچھ برے دور بھی آئے لیکن یہی کھیل ہے، ان میں سے کسی ایک کا انتخاب کرنا مشکل ہے کیونکہ سیریز میں دونوں نے اچھی کارکردگی کی ہے لیکن مجھے لگتا ہے کہ اپنے تجربے پر توجہ دیں گے۔انہوں نے کہاکہ مجھے لگتا ہے کہ ناتھن لیون کو زیادہ اچھال ملے گی اور وہ گیند کو اچھی طرح سے ٹرن کرا رہا ہے۔