ملک کا شیرازہ بکھیرنا چاہتی ہے ممتا بنرجی: سادھوی پرگیہ
وارانسی :4 /فروری (ایس اونیوز /آئی این ایس انڈیا)مغربی بنگال کے دارالحکومت کولکاتہ میں اتوار کی واقعہ سے پورے ملک میں ہنگامہ مچا ہے۔ پارلیمنٹ سے لے کر سڑک تک اپوزیشن کے نشانے پر مرکزی حکومت ہے۔ اپوزیشن کے مطابق مغربی بنگال میں جو کچھ ہوا وہ آئین پر حملہ ہے۔ وہیں سادھوی پرگیہ ٹھاکر نے وارانسی میں ممتا بنرجی پر نشانہ لگاتے ہوئے اشاروں میں انہیں غدار قرار دے ڈالا ۔مونی اماوس پر کاشی میں گنگا غسل اور کاشی وشوناتھ مندر میں درشن۔پوجن کے بعد سادھوی پرگیہ ٹھاکر نے میڈیا سے بات چیت میں کہا کہممتا بنرجی کبھی ملک کے مفاد کی بات نہیں، بلکہ ملک کو منتشر کرنے کی بات کرتی ہیں۔ مغربی بنگال میں جو کچھ ہوا اسے دیکھ کر سب کچھ صاف ہو جاتا ہے کہ ملک کو منتشر کرنے کی سازش کی جارہی ہے ۔ سادھوی پرگیہ ٹھاکر نے کہا کہ رام مندر مسئلہ سیاسی نہیں، بلکہ آستھا سے منسلک ہے۔ کانگریس آج بھی کافروں کا رول ادا کر رہی ہے۔ کپل سبل کو کانگریس نے سپریم کورٹ میں رام مندر کی مخالفت میں کھڑا کر دیا ہے۔ انہوں نے کہا کہ جس دن بھگوان رام کا حکم اور آشیرواد سے اس دن تمام بھکت مل کر رام مندر کا کام شروع کر دیں گے۔ ایک سوال کے جواب میں کہا کہ ہم ایودھیا میں ڈھانچہ گرانے کے لئے بھی گئے تھے اور خوبصورت مندر کی تعمیر کے لئے بھی جائیں گے ۔