نائب وزیر اعلیٰ جی پرمیشور کا دیوے گوڈا کومشورہ تعلیم کے معیا رمیں بہتری لائی جائے
بنگلورو،24؍ستمبر(ایس او نیوز) نائب وزیر اعلیٰ جی پرمیشور نے ریاستی وزیر برائے اعلیٰ تعلیم جی ٹی دیوے گوڈا سے کہا ہے کہ ریاست کی جانب سے چلائی جار رہی یونیورسٹیوں میں تعلیم کے میعار میں بہتری لانے ضروری اقدامات کریں۔
پرمیشور نے ریاستی یونیورسٹیوں کے کچھ معاملات کو اجاگر کرتے ہوئے جی ٹی دیوے گوڈا کوخط لکھا ہے کہ ان سے فوری طور پر نپٹنے کی ضرورت ہے۔پرمیشور کے قریبی ذرائع نے کہا ہے کہ انہوں نے اعلیٰ تعلیم کے گھٹتے ہوئے معیار اور کیمپس میں بڑھتی ہوئی رشوت خوری کے تعلق سے بھی لکھا ہے۔جب اس بارے میں پوچھا گیا تو دیوے گوڈا نے کہا کہ انہیں اب تک ایسا کوئی خط نہیں ملا ہے’’مجھے معلوم ہو اہے کہ نائب وزیر اعلیٰ نے اپنی تقریروں میں سے ایک تقریر میں ریاستی یونیورسٹیوں میں اعلیٰ تعلیم کے تعلق سے کہا ہے ۔ سرکاری طورپر رابطے کے تعلق سے میں اپنے افسران سے جانچ کروں گا اور ان کی جانب سے اجاگرکئے گئے معاملات پر ضروری اقدامات کروں گا۔‘‘