چوتھے سعودی فلم فیسٹیول میں انتہاپسندی پر مبنی فلم کو ایوارڈ

Source: S.O. News Service | By MAZ Gawai | Published on 3rd April 2017, 6:02 PM | خلیجی خبریں |

ریاض،3اپریل(ایس او نیوز/آئی این ایس انڈیا)سعودی عرب میں منعقدہ فلم فیسٹیول میں مذہبی انتہا پسندی پر مبنی ایک فلم کو بہترین فلم کے ایوارڈ سے نوازا گیا ہے۔خیال رہے کہ سعودی عرب ایسا ملک ہے جہاں عام طور پر سینیما پر پابندی ہے۔فلم ”ڈپارچر“ یا روانگی میں ایک طیارے کے دو مسافروں کی کہانی بیان گئی ہے جو کہ خودکشی کی نیت سے طیارے میں سوار ہوتے ہیں۔ اس میں سے ایک جہادی دہشت گردی کے مقصد کے تحت سوار ہوتا ہے جبکہ دوسرا ایک لاعلاج بیماری سے چھٹکارا پانے کے لیے اپنی زندگی ختم کرنا چاہتا ہے۔

سعودی عرب میں چوتھی بار کسی فلم فیسٹیول کا انعقاد کیا گیا ہے جسے کچھ تک حد عوامی تفریح کی اجازت کی علامت کے طور پر دیکھا جا رہا ہے۔سعودی عرب کے شہر دمام میں منعقدہ فلم فیسٹیول کے دوران تقریباً 60 فلموں کی نمائش کی گئی جن میں تقریباً ایک درجن فلمیں خواتین نے بنائی تھیں۔فلم ”ڈیپارچر“ 25 منٹ کی شارٹ فلم ہے اور اسے بہترین فلم کے ایوارڈ کے ساتھ اس کے اداکار کو بہترین اداکار کا انعام بھی ملا ہے۔خیال رہے کہ گذشتہ سال ایک سرکاری محکمہ قائم کیا گیا تھا تاکہ وہ اس طرح کے پروگرامز کی نگرانی کرے۔اس کے تحت سعودی عرب کے سب سے بڑے گلوکار کے کنسرٹ کے ساتھ کامک کون فیسٹیول کا انعقاد کیا جا چکا ہے۔ تفریح کا سال قرار دیے جانے کے تعلق سے ابھی وہاں ایک سرکس کی نمائش بھی کی جائے گی جبکہ امریکی اداکارہ اور فلم ساز اوپرا ونفری اور اداکار الپچینو کے پروگرامز بھی منصوبے میں شامل ہیں۔

ایک نظر اس پر بھی

سعودی عرب میں خواتین کی ڈرائیونگ پر پابندی ختم

سعودی خواتین پر لگی ڈرائیونگ  کی پابندی ختم ہوتے ہی خواتین رات کے بارہ بجتے ہی جشن مناتے ہوئے  سڑکوں پر نکل آئیں اور کار میں بلند آواز میں میوزک چلاکر  شہروں کا چکر لگاتے ہوئے اس پابندی کے خاتمے کا خیر مقدم کیا۔

بھٹکل کمیونٹی جدہ کا عید ملن یکم شوال کو تزک و احتشام سے منایا گیا

یکم شوال 15 جون 2018کو  جدہ شہر کے بیچوں بیچ بہت ہی خوبصورت پاریس ہال میں بی سی جدہ کے ممبران کے لئے عید ملن منعقد ہوا. کثیر تعداد میں ممبران اور مہمانان بھی شریک ہوئے. پروگرام کا اغاز مولوی عفان ادیاور کی خوش آواز تلاوت کلام پاک سے ہوا.

مسجد الحرام میں غیر ملکی شخص کی خودکشی

سعودی عرب کے شہر مکہ میں اسلام کے مقدس ترین مقام مسجد الحرام میں ایک شخص نے خود کشی کر لی ہے۔سعودی عرب کی سرکاری خبر رساں ایجنسی ایس پی اے نے مکہ پولیس کے ترجمان کے حوالے سے بتایا ہے کہ غیر ملکی شہری نے جمعہ کی رات نو بج کر 20 منٹ پر مسجد الحرام کی چھت سے نیچے طواف کرنے کی جگہ پر ...