محکمۂ داخلہ کی اسامیوں کو تیزی سے پر کیا جائے گا: پرمیشور

Source: S.O. News Service | By Shahid Mukhtesar | Published on 11th July 2018, 11:49 AM | ریاستی خبریں |

بنگلورو،11؍جولائی(ایس او نیوز)نائب وزیراعلیٰ اور وزیر داخلہ ڈاکٹر جی پرمیشور نے آج ریاستی لجسلیٹیو کونسل کو بتایاکہ محکمۂ داخلہ میں 26188 مختلف اسامیوں کو پر کیاگیا ہے۔

وقفۂ سوالات میں بی جے پی رکن کے پی ننجنڈی کے سوال کاجواب دیتے ہوئے انہوں نے کہاکہ سالانہ محکمۂ پولیس میں چار سے پانچ ہزار اسامیاں خالی ہوتی ہیں ، 2008 اور2013 کے درمیان محکمۂ پولیس میں کوئی بھرتی نہیں کی گئی ، جبکہ اس سے پہلے 1582 سب انسپکٹر اور 23104 کانسٹبلوں کا تقرر عمل میں آیا۔ ان تمام کو تربیت دینے کے لئے دس مستقل اور تین عارضی پولیس ٹریننگ اسکول قائم کئے گئے ہیں۔ تربیت کے دوران امیدواروں کی صلاحیت کی بنیاد پر انہیں متعین کیا جاتاہے۔

انہوں نے کہا کہ پچھلی سدرامیا حکومت میں بحیثیت وزیر داخلہ انہوں نے ان اسامیوں کو پر کرنے کی پہل کی تھی۔اب جبکہ دوبارہ انہیں یہی قلمدان ملا ہے، ان کی کوشش یہی ہے کہ پولیس جوانوں کی بھرتی کے مرحلے میں جو قدیم نظام اپنایا جاتاہے اسے ختم کرکے نیا معیار طے کیا جائے۔ انہوں نے کہا کہ محکمۂ پولیس میں کئی اسامیاں خالی ہونے کی وجہ سے عملے پر کام کا دباؤ کافی زیادہ ہے۔ پھر بھی دستیاب عملے کو استعمال میں لاکر ہی تحقیقات کو تیزی سے مکمل کرنے کی طرف توجہ دینے کے ساتھ نظم وضبط کی نگرانی اور دیگر ذمہ داریوں کو پورا کیاجارہاہے۔

انہوں نے کہاکہ عنقریب محکمے میں 31684اسامیاں خالی ہونے والی ہیں ۔ مجموعی طور پر 1.26لاکھ اسامیاں محکمے کے لئے منظور ہوئی ہیں جن میں سے تمام مخلوعہ اسامیوں کی نشاندہی کرکے انہیں پر کیا جائے گا۔ 

ایک نظر اس پر بھی

شرورمٹھ کے سوامی کی موت کثرت شراب نوشی اور ناجائز تعلقات کا نتیجہ ؟معاملہ کی تحقیقات اور جانچ کیلئے 7ٹیمیں تشکیل 

اڈپی شرورمٹھ کے سوامی لکشمی ورتیرتھ سوامی جی کی مشتبہ حالات میں ہوئی موت پر انہیں قتل کیے جانے کاشبہ ظاہر کیاگیاتھا جس کے نتیجہ میں اڈپی ضلع ایس پی نے اس معاملہ کی ہر زاویہ سے جانچ کے لیے پولیس کی 7ٹیمیں تشکیل دی گئی ہیں ۔ شرور علاقہ میں یہ افواہیں بھی اڑائی جارہی ہیں کہ سوامی ...

کورگ میں ویڈیو بناکر مرکز توجہ بننے والے،عبدالفتح سے کمار سوامی کی ملاقات

کورگ میں موسلادھار بارش اور سیلاب کی صورتحال کے دوران وزیراعلیٰ ایچ ڈی کمار سوامی کو متوجہ کرانے کے لئے سوشیل میڈیا پر آنے والے ویڈیو میں جو بچہ وزیراعلیٰ ایچ ڈی کمار سوامی کو صورتحال پر متوجہ کروارہاتھا، آج کورگ میں وزیراعلیٰ کمار سوامی نے اس بچے عبدالفتح سے ملاقات کی۔