بھٹکل تعلقہ میں ڈینگو بخار کے معاملات میں اضافہ
بھٹکل ،17؍جولائی (ایس او نیوز) ان دنوں بھٹکل تعلقہ وبائی مرض ڈینگو بخارکے معاملات میں اضافہ ہوتا نظر آرہا ہے۔ اور اس بار دیگر مریضوں کے ساتھ ہیلتھ ایجوکیشن افیسر ہی اس بخار کی لپیٹ میں آنے اور منی پال اسپتال میں علاج کے لئے داخل ہونے کی بات پتہ چلی ہے۔
سال 2017میں بھٹکل تعلقہ میں اب تک ڈینگو کے 5معاملات سامنے آئے ہیں۔جن میں ہڈین علاقے کے منجو ناتھ رنگپّا نائک(۲۴سال)، مرڈیشور شیرانی کی سپریتا پرمیشور بھٹ(۲۰سال)،ماوین کوروے کریکال کے منجو ناتھ انّپا موگیر،اورسینئر ہیلتھ ایجوکیشن افیسر ایریّا نارائن دیواڈیگا(۵۷سال) شامل ہیں۔
محکمہ صحت عامہ کی طرف سے ہدایت جاری کی گئی ہے کہ اگرکسی کو بخار اور سردی زکام ہوتاہے تو اس صورت میں اسے معمولی سمجھ کربے پروائی نہ کرتے ہوئے فوراً ڈاکٹر سے رجوع کرنا چاہیے اور مناسب علاج کروانا چاہیے۔اس کے علاوہ اپنے اطراف کے ماحول کو صاف ستھرا رکھنے کی خصوصی توجہ دینی چاہیے۔