نو ٹ بندی پر این ڈی اے اتحادی شیوسینا نے کہا: عوام وزیر اعظم مودی کو’ سزا‘ دینے کا انتظار کر رہے ہیں

Source: S.O. News Service | By I.G. Bhatkali | Published on 10th November 2018, 4:45 AM | ملکی خبریں |

ممبئی 9 نومبر (آئی این ایس انڈیا)  نوٹ بندی کے دو سال پورے ہونے پر نہ صرف اپوزیشن کے نشانے پر مودی حکومت ہے، بلکہ این ڈی اے کی اتحادی شیوسینا کی طرف سے برابر حملے کئے جارہے ہیں ۔

8 نومبر یعنی جمعرات کو نوٹ بندی کے دو سال پورے ہو گئے۔ اس موقع پر این ڈی اے کے اتحادی شیوسینا نے کہا کہ عوام وزیر اعظم کو دو سال پہلے نوٹ بندی کا اعلان کرنے کے لئے سزا دینے کا انتظار کر رہے ہیں ۔

خیال رہے  کہ وزیر اعظم نریندر مودی نے آٹھ نومبر 2016 کو ایک ہزا راور پانچ سو روپے کے نوٹ کو چلن سے باہر کر دیا تھا۔ بی جے پی قیادت این ڈی اے اور ریاستی حکومت میں اتحادی شیوسینا نے دعوی کیا کہ نوٹ بندی بالکل ناکام رہی؛ کیونکہ اس سے کوئی بھی ہدف پورا نہیں ہوا۔ شیوسینا کی ترجمان منیشا کائندے نے جمعرات کو کہا کہ مرکزی وزیر خزانہ کہتے ہیں کہ زیادہ لوگوں کو ٹیکس  کے دائرے میں لایا گیا، لیکن لاکھوں لوگوں کا  اس کی وجہ سے روزگار چلا گیا وہ نوٹ بندی  کے پیچھے کی دلیل دینے میں بھی ناکام رہے  ۔

انہوں نے کہا کہ ایسا کہا گیا تھا کہ دہشت گردی کا خاتمہ ہوگا اور جعلی نوٹوں کا  مسئلہ بھی ختم ہو گا؛ لیکن ایسا نہیں ہو سکا۔ ترجمان نے کہاکہ دو سال کے بعد صورتحال اتنی خراب ہے کہ لوگ وزیر اعظم کو ’سزا‘ دینے کا انتظار کر رہے ہیں۔کائندے نے دعوی کیا کہ مرکزی وزیر خزانہ اور آر بی آئی گورنر کے درمیان’ان بن‘سے ملک میں اقتصادی صورتحال مزید  بدحال ہوگئی جس کی وجہ سے غیر ملکی سرمایہ کار یہاں سرمایہ کاری کرنے کے تئیں فکر مند ہوں گے۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...