نوٹ بندی ملک کے ساتھ دھوکہ،ویلفیئر پارٹی نے دوسری سالگرہ پر منایا یوم سیاہ

Source: S.O. News Service | By I.G. Bhatkali | Published on 10th November 2018, 4:11 AM | ملکی خبریں | ان خبروں کو پڑھنا مت بھولئے |

نئی دہلی، 09نومبر(آئی این ایس انڈیا) نوٹ بندی کی دوسری سالگرہ پر ویلفےئرپارٹی دہلی پردیش نے پریس کانفرنس کا انعقاد کیا اور پورے دہلی میں ریلی کا بھی اہتمام کیا ۔وکاس پوری میں پردیش صدر سراج طالب نے مرکزی حکومت پر نشانہ لگاتے اس دن کو سیاہ دن بتایا اور نوٹ بندی کوبڑاگھوٹالہ اور ملک کے ساتھ دھوکہ قراردیاہے۔ انہوں نے مزید کہاہے کہ نوٹ بندی جیسی آفت کی دوسری برسی ہے۔ یہ ملک کے لوگوں کے ساتھ بہت بڑا دھوکہ ہے اور آہستہ آہستہ ملک بھر کے ماہرین اقتصادیات اور دیگر ماہر ین نے اس پر اتفاق کیا۔ اعداد و شمار بھی یہ بتاتے ہیں کہ نوٹ بندی کا ملک کو کوئی فائدہ نہیں ہوا بلکہ پورا ملک پریشان ہوا۔نوٹ بندی کے ذریعے حکومت نے ایک بڑا گھوٹالہ کیا ہے۔ یہ ملک کے ساتھ سب سے بڑا دھوکہ تھا۔ اس کی وجہ سے بہت سے لوگوں کی جان چلی گئی۔ بھارت کی اقتصادی حالت بدتر ہو گئی۔ ایسا فیصلہ لینے والوں کو عوام ضرور سبق سکھائے گی ۔انہوں نے کہا کہ نوٹ بندی اپنا مقصد حاصل کرنے میں ناکام رہی اور اس نے چھوٹے اور درمیانے درجے کی صنعتوں کو برباد کر دیا۔عارف اخلاق پردیش سکریٹری نے کہا کہ حکومت نے نوٹ بندی کے پیچھے چار وجہ کالا دھن ختم کرنا، بدعنوانی ہٹانا، دہشت گردی کا خاتمہ اورجعلی کرنسی کو چلن سے باہر کرنا بتایاتھا۔ ان میں سے ایک بھی مقصد حاصل نہیں ہوا۔حالانکہ اس سے غیر منظم سیکٹر کو بڑا نقصان ہوا۔ 90 فیصد روزگار غیر منظم سیکٹر سے آتا ہے، جو نوٹ بندی سے آئی پیسے کی قلت سے سب سے زیادہ نقصان میں رہا۔انہوں نے کہا کہ چلن میں 99.3 فیصد نوٹ ریزرو بینک کے پاس واپس گئے۔ کچھ ہی دنوں میں دو ہزار کے جعلی نوٹ سامنے آ گئے۔ ان سب کے درمیان بھارت کی دنیا میں شبیہ خراب ہوئی کہ بھارت ایسا ملک ہے، جہاں لوگوں کے پاس کالادھن ہے۔اس موقع پر مشکوۃہاشمی ،وکاس پوری ودھان سبھا صدر عابد ملک ،محمد رضوان ،ڈاکٹر شبیر ،نوشاد ،شکیل وغیرہ موجودتھے۔

ایک نظر اس پر بھی

ایسی جھوٹی حکومت کبھی نہیں آئی ،اپوزیشن پوری طرح متحدرہے توبی جے پی اقتدارسے باہرہوگی،کولکاتہ مہاریلی میں برسے بی جے پی کے سابق لیڈر یشونت سنہا اور ارون شوری

ممتا بنرجی مودی حکومت کے خلاف ایک ریلی میں اپوزیشن جماعتوں کو متحد کرنے میں کامیاب رہیں۔ملک کی 20مختلف سیاسی جماعتوں کے لیڈران کو ایک اسٹیج پر دیکھا گیا ۔اس اسٹیج پرسابقہ بی جے پی حکومت میں وزیر رہے یشونت سنہا اور ارون شوری بھی شامل ہوئے ۔دونوں رہنماؤں نے ممتا کے اسٹیج سے مودی ...

ممتا کے منچ سے گرجے اکھلیش یادو، کہا، انتخابات کے دوران مودی حکومت سی بی آئی اور ای ڈی سے اتحاد کررہی ہے

آج کل مغربی بنگال کے دارالحکومت کولکاتہ حزب اختلاف کے اتحاد کی ایک علامت رہا۔وزیر اعلی ممتا بنرجی نے اپوزیشن یونٹی ریلی نے تقریباََ20جماعتوں کے رہنماؤں کا ایک اجتماع پیش کیا اور ہر ایک نے مودی حکومت پر مرحلہ وار حملہ کیا۔سماج وادی پارٹی کے سربراہ اکھلیش نے ٹائیگر بریگیڈ پریڈ ...

بھیوجی مہاراج خودکشی کیس میں قریبی سمیت 3افرادگرفتار،بھیجے گئے جیل

مدھیہ پردیش کے معروف بھیوجی مہاراج خودکشی کیس کے معاملے میں اندور پولیس نے بڑے خلاصے کیے ہیں۔پولیس نے کیس میں ایک خاتون سمیت 3افراد کو گرفتار کر لیا ہے، جن میں سے ایک مقتول کاسب سے قریبی سیوادار ہے۔ اندور ڈی آئی جی ہری نارائن چاری مشرا نے بتایا کہ اس معاملے میں ان کے سب سے خاص ...

مہاگٹھ بندھن ریلی پروزیراعظم مودی نے کیاطنز،کہا ،اپوزیشن کامہاگٹھ بندھن صرف مودی کے خلاف نہیں بلکہ ہندوستان کی عوام کے خلاف بھی

جہاں ایک طرف مغربی بنگال کے دارالحکومت کولکاتہ میں ترنمول کانگریس (ٹی ایم سی)کی صدر ممتا بنرجی کی قیادت میں متحدہ اپوزیشن نے مودی حکومت پر نشانہ لگایا تو وزیر اعظم نریندر مودی نے دمن-دیو اور دادر-ناگر حویلی کے سلواسا سے اپوزیشن پر حملہ کیا۔ انہوں نے کہا کہ اپوزیشن کامہاگٹھ ...

ممتاکے منچ سے اروند کجریوال کازبردست حملہ، مودی۔ شاہ نے 5سالوں میں وہ کردیاجو پاکستان اب تک نہ کرسکا، مسلمانوں کونشانہ بنایاگیا،خواتین کوگالی دینے والوں کووزیراعظم فالوکرتے ہیں

دہلی کے وزیراعلیٰ اورعام آدمی پارٹی کے کنوینر اروندکجریوال ممتابنرجی کی ریلی میں مغربی بنگال میں شامل ہوئے۔دہلی کے وزیراعلیٰ نے مودی اوربی جے پی کے قومی صدر امت شاہ کے خلاف آواز بلند کی۔کجریوال نے کہا کہ مودی نے وعدخلافی کی ہے۔مودی جی کی نوٹ بندی کی وجہ سے سو لاکھ نوکریاں ختم ...

ملیناڈو کراولی ریلوے لائن منصوبے پر جلد عمل درآمد کے لئے ریاستی وزیر اعلیٰ کمار اسوامی کا مرکزی حکومت سے تقاضہ

شیموگہ، شرنگیری، منگلورو جیسے علاقوں سے گزرنے والی ملیناڈو کراولی ریلوے لائن منصوبے پر جلد عمل درآمد کے لئے ریاستی وزیر اعلیٰ کمار ا سوامی نے مرکزی حکومت سے تقاضہ کیا ہے۔

چیتے کی کھال فروخت کرنے کے دوران کنداپور میں بھٹکل کے پانچ افراد سمیت دس گرفتار

یہاں شاستری سرکل کے قریب غیر قانونی طورپر چیتے کی کھال فروخت کرنے کے الزام میں بینگلور کی سی آئی ڈی فوریسٹ یونٹ  نے دس افراد کو گرفتار کرلیا ہے جس میں پانچ کا تعلق بھٹکل، تین کا تعلق بیندور اور ایک ایک کا تعلق ، منڈگوڈ اور  ہوناورسے ہے۔ گرفتاری کی یہ واردات جمعہ کی دوپہر کو ...