دہلی میں ہیڈ کانسٹیبل کا گولی مار کر قتل

Source: S.O. News Service | By Shahid Mukhtesar | Published on 13th September 2018, 12:23 PM | ملکی خبریں |

نئی دہلی،13؍ ستمبر (ایس او نیوز؍آئی این ایس انڈیا) قومی راجدھانی دہلی کے جنوبی ضلع کے جیت پور علاقہ میں پولس کے ایک ہیڈ کانسٹیبل کو گذشتہ شب نامعلوم حملہ آوروں نے گولی مار کر قتل کر دیا۔ واردات کو انجام دینے کے بعد بدمعاش موقع سے فرار ہو گئے۔ معاملہ کی اطلاع ملنے پر موقع پر پہنچی پولس نے لاش کو قبضہ میں لے کر قریب کے اسپتال کے مردہ گھر میں محفوظ رکھوا دیا ہے۔ مرنے والے ہیڈ کانسٹیبل کی شناخت رام اوتار کے طور پر ہوئی ہے۔ فی الحال پولس قتل کا معاملہ درج کر بدمعاشوں کی تلاش کر رہی ہے۔ معلومات کے مطابق واردات گذشتہ ب تقریباً ساڑھے گیارہ بجے کی ہے۔ ہیڈ کانسٹیبل رام اوتار جنوبی دہلی کے امبیڈ کرنگر تھانہ میں تعینات تھے اور اپنی ڈیوٹی ختم کرکے 8بجے کے آس پاس اپنے گھر جارہے تھے ۔ تب ہی نامعلوم بدمعاشوں نے انہیں گولی مار دی۔ معلومات کے مطابق رام اوتار جیت پور تھانہ کے شکتی وہار واقع علاقہ میں رہتے تھے۔ وہ سال 2003میں دہلی پولس میں بھرتی ہوئے تھے۔ گھروالوں نے بتایا کہ شام کو اوتار گھر سے کچھ فاصلے پر آٹا لینے جارہے تھے تب ہی کسی نے گولی ماردی۔ گولی کس نے اور کیوں ماری، پولس اس کی جانچ کر رہی ہے۔ شروعاتی جانچ میں پولس آپسی رنجش کاخدشہ ظاہر کررہی ہے۔

واضح ہو کہ دہلی پولس کے جوانوں کے ساتھ اس طرح واقعات پہلے بھی پیش آچکے ہیں۔ 24مئی 2018کو شالی مار باغ میں پی سی آر وین پر تعینات اے ایس آئی نریندر پرچاربدمعاشوں نے جان لیوا حملہ کر دیا تھا اور پی سی آر وین کو بھی نقصان پہنچایا تھا۔ اسی طرح مئی2018میں مادی پور علاقہ میں رات کوگشت کے لئے نکلے ہیڈ کانسٹیبل نریندر بدمعاشوں کے حملہ میں زخمی ہو گئے تھے۔

ایک نظر اس پر بھی

اترپردیش: تیسرا مرحلہ میں ’یادو خاندان‘ سے بی جے پی کو سخت چیلنج

وزیر اعظم نریندر مودی کی نام پر 2019 کے انتخابی قلع کو فتح کرنے کی کوشش کر رہی بی جے پی کو تیسرے مرحلے میں اترپردیش میں ’یادو خاندان‘ سے سخت چیلنج کا سامنا کرنا پڑے گا جبکہ اس انتخاب کے ذریعہ اپنی کھوئی ہوئی زمین واپس پانے میں مشغول کانگریس دونوں ہی پارٹیوں کے سیاسی اعداد و ...

کانگریس کے لئے قومی سلامتی اولین ترجیح،دہشت گردی ناقابل قبول

کانگریس پارٹی نے وزیراعظم نریندر مودی اور بھارتیہ جنتا پارٹی پرمسلح افواج پر سیاست کرنے کا الزام لگاتے ہوئے اتوار کو کہا ہے کہ کانگریس نے ہمیشہ دہشت گردی پر زیرو ٹالرنس کا رویہ اپناتے ہوئے قومی سلامتی کو ہمیشہ پہلی ترجیح دی ہے ۔

مالیگاؤں کیس کی سابق سرکاری وکیل کا انکشاف: پرگیہ کے ساتھ ٹارچر کا کوئی ثبوت نہیں، شہید کرکرے پر الزام ’اوچھی حرکت ‘ 

مالیگاؤں دھماکے کیس میں ایک سابق سرکاری وکیل نے بی جے پی لیڈر پرگیہ ٹھاکر کے اس دعویٰ کرنے پرگوشمالی کی کہ’ انہیں 26/11 کے ہیرو ہیمنت کرکرے کی قیادت والی ٹیم کی طرف سے تفتیش کے دوران تشدد کا نشانہ بنایا گیا تھا‘۔ دو دن پہلے، 2008 کے ممبئی دہشت گردانہ حملوں کے دوران دہشت گردوں کی ...

تیجسوی یادو چوتھی بار بھی راہل کے اسٹیج سے غائب، آخر کیوں ؟ 

لوک سبھا انتخابات کے لئے کانگریس صدر راہل گاندھی کی چوتھی ریلی ہفتہ کو سپول میں ہوئی، لیکن تیجسوی یہاں بھی ان کے ساتھ اسٹیج پر نہیں نظر آئے۔ وہ راہل گاندھی کے جلسہ کے وقت کھگڑیا میں وی آئی پی امیدوار مکیش سہنی کے لئے انتخابی ریلی کر رہے تھے۔ اس کے پہلے راہل گاندھی کی ریلی کٹیہار ...

تیجسوی یادو نے پپو یادو کو بتایا بی جے پی کا ایجنٹ، وہ خاندان میں پھوٹ ڈالنا چاہتے تھے ،سپول میں اوچھی سیاست کرنے والے تیجسوی یادوکاالزام 

تیجسوی یادوسپول میں مہاگٹھ بندھن کی کانگریس امیدواررنجیتارنجن کے خلاف اپنے یادوامیدواراتارکراوچھی سیاست کررہے ہیں،جس سے بی جے پی کوفائدہ پہونچناطے ہے۔اس ذہنیت کااندازہ اس سے لگایاجاسکتاہے کہ کل کی راہل گاندھی کی سپول ریلی میں وہ شریک بھی نہیں ہوئے۔اسی طرح ...