میٹرو کے فرش پر بیٹھنا پڑا بھاری، ڈی ایم آر سی نے وصول کئے 38لاکھ روپے

Source: S.O. News Service | By Shahid Mukhtesar | Published on 7th August 2018, 9:20 PM | ملکی خبریں | ان خبروں کو پڑھنا مت بھولئے |

نئی دہلی،7؍اگست (ایس او نیوز؍آئی این ایس انڈیا) دہلی میٹرو نے گزشتہ تقریباً 11ماہ کے دوران ٹرین کے فرش پر بیٹھے پکڑے گئے لوگوں سے 38لاکھ روپیہ جرمانہ وصول کیا ہے۔یہ معلومات حق اطلاعات (آر ٹی آئی)کے تحت سامنے آئی ہے۔گندگی پھیلانے، رکاوٹ پیدا کرنے، مناسب ٹوکن کے بغیر سفر کرنے اور حکام کے کام میں رکاوٹ ڈالنے سمیت مختلف جرائم کے لئے جون 2017سے مئی 2018کے درمیان 51,000 لوگوں سے کل 90لاکھ روپے وصول کئے گئے۔دائرکئے گئے آر ٹی آئی کے جواب میں دہلی میٹرو ریل کارپوریشن (ڈی ایم آر سی)نے کہا کہ ان میں سے سب سے زیادہ 38لاکھ روپیہ فرش پر بیٹھنے والوں سے وصول کیا گیا۔ایک اندازے کے مطابق ٹرین کے فرش پر بیٹھنے کے لئے 19,026 لوگوں پر جرمانہ لگایا گیا۔

میٹرو کے قوانین کے مطابق میٹروٹرین کے فرش پر بیٹھنا عوامی آداب کے مطابق نہیں ہے اور اس کے لئے 200روپے کا جرمانہ ہے۔ڈی ایم آر سی کے مطابق گزشتہ سال جون سے لے کر اس سال مئی تک 51,441 لوگوں پر جرمانہ لگایا گیا اور کل89,94,380 روپے وصول کئے گئے۔

میٹرو کی بلیو لائن پر ٹرین کی چھت پر سفر کرنے کا بھی ایک مقدمہ درج کیا گیا جس کے لئے جرم کرنے والے سے 50روپے کا جرمانہ وصول کیا گیا۔یلو لائن پر سب سے زیادہ جرمانہ 39,20,220 روپیہ وصول کیا گیا۔دیگر جرائم جس میں جرمانہ وصول کیا گیا ان میں ٹوکن لے جاتے ہوئے، قابلد اعتراض مواد لے جاتے ہوئے، غیر قانونی طریقے سے داخل ہونے اور میٹرو کی پٹریوں پر چلنا شامل ہے۔کچھ مسافروں نے بتایا کہ انہیں سمجھ نہیں آیا کہ فرش پر بیٹھنے کے لئے جرمانہ کیوں وصول کیا گیا۔

دوارکا سے نوئیڈا روزانہ سفر کرنے والی دیپکا بھاٹیہ کو میٹرو سے گھر پہنچنے میں تقریبا ڈیڑھ گھنٹے کا وقت لگتا ہے۔انہوں نے کہا کہ میرے پاس دن بھر کام کرنے کے بعد کھڑے ہونے کی طاقت نہیں رہتی ہے۔انہوں نے کہا کہ وہ سمجھتی ہے کہ یہ جرم ہے لیکن اس کے پیچھے کی وجہ معلوم نہیں۔

ایک نظر اس پر بھی

گجرات کیس:مودی اور امت شاہ کو بہار میں انتخابی مہم نہیں کرنے دیں گے: کانگریس 

گجرات معاملے کو لے کر بہار کی سیاسی فضا گرمائی ہوئی ہے۔ جہاں ایک طرف بی جے پی، کانگریس پر بہار کے لوگوں کے خلاف ہوئے تشدد کے لئے ذمہ دار بتا رہی ہے، وہیں اب کانگریس نے اپنے تیور تیکھے کر دیئے ہیں۔

حج 2019 : بحری جہاز سے سفر ممکن : مختار عباس نقوی

مرکزی وزیر برائے اقلیتی امور او رحج مختار عباس نقوی نے حج 2019 کا اعلان کرتے ہوئے کہا کہ مذکورہ سیزن میں بحری جہاز سے بھی سفر ممکن ہوگا ۔انہوں نے اس موقع پر حج ہاؤس کے صدر دفتر کی فلک بوس عمارت پر قومی پرچم لہرایا جو کہ زمین سے 350فٹ کی بلندی پر ہے ۔ انہوں نے کہا کہ حج کمیٹی جی ایس ٹی ...

اجودھیا تنازع : عدالت کے باہر اگر کوئی قانون بنے گا تو اس کو مسلمان نہیں کرے گا تسلیم : اقبال انصاری

ناگپور میں آر ایس ایس سربراہ موہن بھاگوت کے جمعرات کو رام مندر کے معاملہ پر دئے گئے بیان پر مختلف فریقوں کا رد عمل سامنے آرہا ہے ۔ جہاں آل انڈیا مسلم پرسنل بورڈ کے رکن مولانا خالد رشید فرنگی محلی نے موہن بھاگوت کے بیان کو سیاسی قرار دیا ہے ،

بیلتھنگڈی: گاڑی میں غیر قانونی دھماکہ خیز مادہ لے جانے والے سے رشوت لینے کے الزام میں 2پولیس اہلکار معطل

پونجلا کٹّے پولیس اسٹیشن سے وابستہ ایک اے ایس آئی لکشمن اور ہیڈکانسٹیبل ابراہیم کو اس الزام کے تحت معطل کردیا گیا ہے کہ انہوں نے غیر قانونی طور پر موٹر بائک میں دھماکہ خیز اشیاء لے جانے والے چنّا سوامی سے 24ستمبر کو رشوت لی تھی۔

اُترکنڑا میں زائد پرائمری ٹیچروں کا تبادلہ؛ اردو اسکولوں کے ساتھ ناانصافی۔نارتھ کینرا مسلم یونائیٹد فورم کو تشویش

محکمہ تعلیمات کی طرف سے پرائمری اسکولوں میں جہاں طلبہ کی تعداد مقررہ معیارسے کم ہے وہاں سے زائد ٹیچروں کا تبادلہ کرنے کی جو پالیسی اپنائی ہے اس پر اپنا ردعمل ظاہر کرتے ہوئے نارتھ کینرا مسلم یونائٹیڈ فورم کے جنرل سکریٹری جناب محسن قاضی نے کہا ہے اس سے اردو اسکولوں کے ساتھ بڑی ...