دہلی میں امریکی طالبہ کے ساتھ عصمت دری، ملزم گرفتار
نئی دہلی،26مئی(ایس او نیوز؍آئی این ایس انڈیا) دہلی کے ایک ہوٹل میں ایک امریکی طالبہ کے ساتھ عصمت دری کئے جانے کی واردات سامنے آئی ہے۔امریکی طالبہ تعلیمی دورے پر ہندوستان آئی ہے۔اس کے ساتھ ریپ کرنے والے ملزم کو پولیس نے گرفتار کر لیا ہے۔معاملہ دہلی کے پہاڑ گنج میں واقع ایک ہوٹل کا ہے۔تین ماہ پہلے 22سالہ امریکی طالبہ تعلیمی دورے کے تحت ہندوستان آئی تھی۔اسی دوران وہ پہاڑ گنج کے ایک ہوٹل میں ٹھہری تھی۔جمعہ کوطالبہ نے پولیس کو شکایت کرتے ہوئے بتایا کہ اس کے ساتھ ہوٹل میں عصمت دری کی گئی ہے۔امیریکن طالبہ کا الزام ہے کہ پولیس نے اس معاملے کی شکایت درج کرنے میں بہت لاپرواہی کی۔پہلے پولیس اس کی شکایت درج نہیں کر رہی تھی۔قانونی مدد کے بعد ہی اس کا مقدمہ درج ہو پایا ہے۔پولیس نے طالبہ کے ساتھ عصمت دری کرنے والے ملزم جسونت کو گرفتار کر لیا ہے۔بتایا جا رہا ہے کہ ملزم مرچینٹ نیوی میں کام کرتا ہے۔فی الحال پولیس اس سے پوچھ گچھ کر رہی ہے۔اس سلسلے میں پولیس کچھ بھی کہنے کو تیار نہیں ہے۔