دہلی ہائی کورٹ نے ملک بھر میں ادویات کی آن لائن فروخت پر لگائی پابندی

Source: S.O. News Service | By Shahid Mukhtesar | Published on 13th December 2018, 8:22 PM | ملکی خبریں |

نئی دہلی،13؍ دسمبر (ایس او نیوز؍آئی این ایس انڈیا)دہلی ہائی کورٹ نے آن لائن بک رہی دوائیوں کی فروخت پر پابندی لگا دی ہے۔دہلی ہائی کورٹ نے ایک عرضی پر سماعت کرتے ہوئے حکم دیا ہے کہ دہلی حکومت بورڈ کی طرف سے لگائی جارہی پابندی کو سختی سے نافذ کریں۔ ڈرمیٹولوجسٹ ظہیر احمد کی جانب سے لگائی گئی عرضی پر سماعت کرتے ہوئے عدالت نے کہا کہ لوگوں کی صحت سے کھلواڑ نہیں کیا جا سکتا اور اس پر فوری طور پر لگام لگانے کی ضرورت ہے۔دراصل درخواست گزار نے ہائی کورٹ کو بتایا کہ ہر روز لاکھوں کی تعداد میں آن لائن دواسازی کو فروخت کیا جا رہا ہے اور قوانین کو طاق پر رکھ کر ایسا کیا جا رہا ہے۔آن لائن دواؤں کو بغیر ڈاکٹر کی اجازت کے بیچا جا رہا ہے۔یہاں تک کی لوگوں کے ای میل پر بھی دوائیوں کو گھر پر بھیجا جا رہا ہے۔دہلی ہائی کورٹ کی طرف سے کیا گیا یہ حکم پورے ملک میں آن لائن فروخت ہو رہی ادویات پر نافذ کیا جائے گا۔درخواست گزار کی جانب سے ایسی بہت سی ویب سائٹس کی معلومات کورٹ کو دی گئی جن پر قوانین کی خلاف ورزی کر کے آن لائن ادویات فروخت کرنے کا الزام ہے۔ درخواست گزار کا کہنا تھا کہ منشیات اور کاسمیٹک ایکٹ 1940 اور فارمیسی ایکٹ 1948 کے تحت بھی دواؤں کی فروخت آن لائن نہیں کی جا سکتی۔عرضی میں اس بات کا بھی ذکر کیا گیا ہے کہ کچھ ویب سائٹس غیر قانون ادویات کی بھی سپلائی لوگوں تک بھیجتی ہیں۔آن لائن دواؤں کی فروخت کو روکنے کے لئے اس سے پہلے بھی جنوبی دہلی دواخانہ ایسوسی ایشن ہائی کورٹ کا دروازہ کھٹکھٹا چکا ہے۔اس درخواست میں بھی آن لائن فروخت ہو رہی دواؤں اور بغیر ڈاکٹر کے مشورہ کے لوگوں کی طرف سے خریدے جا رہی دواؤں کو فوری طور پر روکنے کی کورٹ سے فریاد گئی تھی۔میٹرو شہروں میں ادویات کی آن لائن فروخت کا ایک بہت بڑا کاروبار ہے۔حقیقت یہ بھی ہے کہ آن لائن فروخت ہو رہی ان ادویات پر حکومت کا لگام نہ کے برابر ہے۔یہی وجہ ہے کہ اکثر آن لائن فروخت ہو رہی دواؤں میں قوانین نظرانداز کر نا عام ہوتا جا رہا ہے۔ایسے میں اب ہائی کورٹ نے آن لائن دواسازی کی فروخت پر روک تو لگا دی ہے، لیکن اس پر مکمل طور پر روک اسی وقت لگ پائے گی جب دہلی حکومت اس کو سختی سے نافذ کر ے گا۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...