ریستوران بار ریکارڈڈ میوزک نہ بجائیں یا کارروائی کا سامنا کریں:دہلی حکومت
نئی دہلی،20؍مئی ( ایس او نیوز؍آئی این ایس انڈیا ) دہلی حکومت نے ریستوران بار مالکان کو خبردار کیا ہے کہ وہ اپنے احاطے میں ریکارڈ ڈگانے، نغمے یا موسیقی نہ بجائیں ورنہ ان پر کارروائی کی جائے گی۔حکومت نے آبکاری قوانین 2010 کے تحت ہدایت کی ہے کہ پروسنے والے ریستوران پیشہ سے صرف میوزیکل انسٹرومنٹ کے ذریعے براہ راست گانے، نغمے اور بجانے کا پروگرام کروا سکتے ہیں۔دہلی کے آبکاری محکمہ کو لوکل ریسیڈینٹس سے کئی شکایات ملی ہیں کہ شہر میں کئی ریستوران بار شورمچاتے ہیں۔دہلی میں ہزاروں ریستوران بار ہیں اور ان میں سے اکثر اپنے گاہکوں کو تفریح اور انہیں اپنی طرف متوجہ کرنے کے لئے ریکارڈ گانے، نغمے یا موسیقی بجاتے ہیں۔ دہلی کے آبکاری کمشنر امجد ٹاک نے کہا کہ ایل -17(اس طرح ریستوران جو کھانا اور شراب پیش کرتے ہیں)کو اپنے احاطے میں پروفیشنل سنگرس سے براہ راست گانے، نغمے اور بجانے کی اجازت ہے۔دہلی آبکاری قوانین 2018 کے قوانین 54 (4) کے تحت ایل -17لائسنس رکھنے والے تنصیبات کو صرف براہ راست گانا پروگرام اور کلام کی اجازت ہے ریکارڈ موسیقی بجانے کی نہیں۔حکومت کے ایک دوسرے سینئر افسر نے بتایا کہ آبکاری محکمہ کی ٹیمیں پیش کرنے والے ریستوران جائیں گے اور قوانین کی خلاف ورزی ہونے پر کارروائی کریں گے۔