نشہ مکتی سہولیات بڑھائے گی اور نشہ خوروں تک پہنچے گی دہلی حکومت
نئی دہلی، 28؍اگست(ایس او نیوز/آئی این ایس انڈیا)نشہ مکتی سہولیات بڑھانے کی سمت میں اہم قدم اٹھاتے ہوئے دہلی حکومت نے قومی دارالحکومت کے سرکاری اسپتالوں میں جلد ہی نشہ اور شراب کی لت میں مبتلا لوگوں کے علاج کے لئے وقف بیرونی مریض محکمہ(اوپی ڈی)بنانے کی منصوبہ بندی بنائی ہے۔نشے کی لت کو لے کر دہلی حکومت کی طرف سے قائم پینل نے بین ریاستی بس اڈے(آئی ایس بی ٹی )اور ریلوے اسٹیشنوں پر رہنے والے نشہ خوروں تک پہنچنے کے لئے نورڈک اکائیوں کی تعیناتی سمیت کئی مسائل پر کام کیا ہے۔بتایا جاتا ہے کہ کمیٹی اس نتیجے پر پہنچی ہے کہ نشے اور شراب کی لت کے شکار لوگوں کے لئے الگ سے سہولیات کے ساتھ ہی ان۔پیشنٹ سہولیات کو اور مضبوط کئے جانے کی بھی ضرورت ہے۔ایک افسر نے بتایا کہ بہت سے معاملات میں ماہرین کی ضرورت نہیں ہوتی ہے،ان کی ضرورت کے بعد پڑتی ہے۔ایم بی بی ایس ڈگری یافتہ ڈاکٹر بھی انہیں سنبھال سکتے ہیں کیونکہ ان میں سے بہت سے نشہ خوروں کو اسپتال میں داخل کرنے کی ضرورت نہیں ہوتی ہے۔ویسے بھی ہسپتالوں میں پہلے ہی بھاری بھیڑ امنڈتی ہے،چونکہ اس بات کا امکان کم ہی ہوتا ہے کہ یہ عادی افراد خود ایسی سہولیات کا فائدہ اٹھائیں گے اس لیے پینل نے خود ان تک پہنچ بنانے کی سفارش کی ہے۔اس کے تحت غیر سرکاری تنظیم(این جی او)منتخبہ علاقوں پر توجہ دیں گے۔
ذرائع نے بتایاکہ آئی ایس بی ٹی اور ریلوے اسٹیشنوں پر بڑی تعداد میں نشہ خوروں کو دیکھا جا سکتا ہے جو سرنج تک استعمال کرتے ہیں،انہیں نشے کی لت سے فوری طور پر باہر نکالنا مشکل ہوگا لیکن نورڈک اکائیا ان کے پاس جائے گی، ان سے بات کریں گی اور علاج کی اہمیت انہیں سمجھانے کے لئے انہیں نشہ کی لت کو ختم کرنے والی دوائیاں دیں گی۔چار رکنی پینل اپنی رپورٹ جلد ہی دے گا۔