دہلی کے وزیراعلی کجر یوال نے خاندان اور ممبران اسمبلی کے ساتھ کاٹ برتھ ڈے کیک
نئی دہلی:16/اگست(ایس او نیوز /آئی این ایس انڈیا)دہلی کے وزیر اعلی اروند کجریوال کی آج سالگرہ ہے، وہ 49 سال کے ہو گئے ہیں، انہیں مبارک دینے کے لئے صبح سے ہی ان کے گھر کے باہر کارکنوں کی بھیڑ جمع ہے۔ دہلی حکومت کے وزیر اور رکن اسمبلی بھی مع اہل و عیال وزیراعلی کجریوال کو مبارکباد دینے پہنچ رہے ہیں۔ مبارک دینے آئے لوگوں کا مٹھائی کھلا کر شکریہ ادا کیا جا رہا ہے۔ سالگرہ پر کجریوال نے رشتہ داروں اور ممبران اسمبلی کے ساتھ برتھ ڈے کیک بھی کاٹا۔سی ایم کجریوال نے آئی آئی ٹی سے انجینئرنگ کی ڈگری لینے کے بعد انڈین ریونیو سروس میں کام کیا۔ اس کے بعد کے بعد انہوں نے چند سال کام کیا اور پھر بطور سماجی اورآرٹی آئی کارکن کے طور پر اپنی شناخت بنائی۔ حق اطلاعات کو نافذ کرانے میں کجریوال کی اہم شراکت سمجھی جاتی ہے۔
اروند کیجریوال کو سب سے بڑی شناخت انڈیا اگینسٹ کرپشن کی اس تحریک سے ملی جب انا ہزارے جن لوک پال کے لئے 2011 میں رام لیلا میدان میں بھوک ہڑتال پر بیٹھے۔ اس دوران کجریوال اور ان کی ٹیم نے ہی پوری تحریک کی حکمت عملی تیار کی تھی۔ اس کے بعد کجریوال نے سیاست میں اترنے کا فیصلہ کیا اور پہلے ہی انتخابات میں 15 سال دہلی کی وزیر اعلی رہی شیلا دکشت کو شکست دی۔بدعنوانی کے خلاف تحریک چلاکر سیاست میں آئے کجریوال نے دہلی میں پہلی بار اقتدار کانگریس کی حمایت سے ہی پایا لیکن وزیر اعلی بننے کے محض 49 دنوں میں بعد ہی انہوں نے وزیر اعلی کے عہدے سے استعفی دے دیا۔اس کے بعد 2015 میں دوبارہ انتخابات ہونے پر کجریوال کی عام آدمی پارٹی کو 70 میں سے 67 سیٹیں ملی اور اگلے پانچ سالوں کے لئے کجریوال دوبارہ دہلی کے وزیر اعلی منتخب ہوئے۔