نئی دہلی21اکتوبر(ایس او نیوز؍آئی این ایس انڈیا) دہلی کی ہوا کا معیار اتوار کو مسلسل دوسرے دن بھی انتہائی خراب رہا اور حکام نے خبردار کیا ہے کہ آنے والے دنوں میں یہ اور زیادہ خراب ہو سکتی ہے۔مرکزی آلودگی کنٹرول بورڈ (سی پی سی بی) کے اعداد و شمار کے مطابق دہلی کے ہوا کا معیار (اے کیو آئی) مجموعی 301 درج کیا گیا جو بہت خراب کے زمرے میں آتا ہے۔ہفتہ کو قومی دارالحکومت میں گردوغبار چھائے رہیاور اس موسم کا اب تک کا بدتریناے کیو آئی 324 درج کیا گیا تھا۔اس میں کہا گیا کہ آنند وہار، منڈکا، نریلا، دوارکا سیکٹر آٹھ، نہرو نگر اور روہنی ان تمام جگہوں پر ہوا کا معیاربہت خراب رہا اور ان جگہوں پر آلودگی کی سطح سنگین شکل لے سکتی ہے۔ صفرسے 50 کے درمیان اے کیو آئی اچھا سمجھا جاتا ہے، 50 سے 100 کے درمیان تسلی بخش۔ 101 سے 200 کے درمیان درمیانہ زمرے میں شمار کیا جاتا ہے۔ اور 201 سے 300 کے درمیان خراب، 301 سے 400 کے درمیان انتہائی خراب اور 401 سے 500 کے درمیان اے کیو آئی انتہائی سنگین سمجھا جاتا ہے۔سپریم کورٹ کی طرف سے مقرر ای پی سی اے نے جمعہ کو قومی دارالحکومت میں آلودگی کی صورت حال پر بحث کرنے کے لئے ریاستی حکومتوں اور دہلی حکومت کے حکام کے ساتھ ملاقات کی تھی۔ای پی سی اے کے ایک رکن نے جمعہ کو بتایا کہ صورتحال کا جائزہ لینے کے بعد فیصلہ لیا گیا کہ ان علاقوں پر خاص توجہ دی جائے گی جہاں ہوا کا معیارخراب یاانتہائی خراب ہیں۔