پونے6جون(ایس او نیوز؍آئی این ایس انڈیا)گجرات کے آزاد ممبر اسمبلی اور دلت کارکن جگنیش میوانی کے خلاف ہتک عزت کا کیس درج کیا گیا ہے۔ میوانی کی جانب سے پونے کے ایک کالم نگار کی مبینہ طور پرایک تصویر ٹویٹ کرنے کے بعد یہ کیس درج کیا گیا ۔

واضح ہو کہ اس کی اطلاع پولیس نے دی ہے ۔ شیفالی وید نام کی کالم نگار نے ایک شکایت درج کرائی ہے، جس کی بنیاد پر میوانی کے خلاف تین جون کو تعزیرات ہند کی دفعہ 500 (بدنامی) اور انفارمیشن ٹیکنالوجی قانون کی دفعہ 66 (سی) کے تحت پاوڈ پولیس تھانہ میں کیس درج کیا گیا ہے ۔ پولیس کے مطابق، میوانی نے اتر پردیش کے وزیر اعلی یوگی آدتیہ ناتھ شری شری روی شنکر اور یدکی ایک تصویر اور اس کے ساتھ ہی ہندی فلم اے مائی گاڈ کی ایک تصویر بھی ٹویٹ کی اور مبینہ طور پر دونوں تصاویر کے درمیان موازنہ کیا تھا ۔میوانی نے بعد میں اعتراف کیا کہ انہوں نے ایسی تصویر ٹویٹ کی تھی جس سے چھیڑ چھاڑ کی گئی تھی۔ بعد میں انہوں نے اپنا ٹویٹ ہٹا لیا تھا اور معافی مانگی تھی ۔