ڈی ڈی سی اے معاملے میں آپ لیڈر آشوتوش پر دس ہزار کا جرمانہ
نئی دہلی ،7؍جنوری(ایس او نیوز؍آئی این ایس انڈیا)دہلی کی ایک عدالت نے عام آدمی پارٹی لیڈر آشوتوش کے خلاف ارون جیٹلی کی جانب سے دائر فوجداری بدنامی کے مقدمے کی سماعت پٹری سے اتارنے کی کوشش کرنے کے الزام میں دس ہزار روپے کا جرمانہ عائد کیا ہے۔آشوتوش نے بی جے پی لیڈر کا بیان ہندی میں دوبارہ درج کرائے جانے کی مانگ کی تھی۔عدالت نے کہا کہ آپ لیڈر نے بی جے پی لیڈر کے ہندی میں بیان درج کرائے جانے کے لئے درخواست دائر کی تھی جبکہ انہیں انگریزی میں کچھ بھی مشکلات پیش نہیں آتی ہے۔ آشوتوش کی عرضی کو مسترد کرتے ہوئے اہم میٹروپولیٹن مجسٹریٹ دیپک سہراوت نے کہا کہ آپ لیڈر کی عرضی سماعت کو پٹری سے اتارنے کی ایک کوشش اور عدالت کے وقت کی بربادی ہے۔عدالت نے کہاکہ موجودہ درخواست سے ایسا لگتا ہے کہ یہ سماعت پٹری سے اتارنے اور عدالت کا وقت ضائع کرنے کے سوا اور کچھ نہیں ہے۔عدالت نے یہ بھی کہاکہ درخواست گزار انگریزی زبان کی کتاب (انا13 دیج دیٹ اویکنڈ انڈیا) کے مصنف ہیں اور انہیں انگریزی میں انٹرویو دیتے ہوئے اور انگریزی نیوز چینلز پر دیکھا جا سکتا ہے۔انہوں نے کہا کہ درخواست بھی انگریزی میں ہی لکھی ہوئی ہے۔ عدالت نے کہاکہ یہ پٹیشن سماعت میں تاخیر کرنے کے لئے دائر کی گئی ہے لہٰذا دس ہزار روپے کا جرمانہ لگاتے ہوئے اسے مسترد کیا جاتا ہے۔مجسٹریٹ نے یہ رقم آرمی ویلفیئر فنڈ بیٹل میں جمع کرانے کی ہدایت دی ہے۔آشوتوش کی جانب سے دائر اس درخواست کو وکالت سدھارتھ لوتھرا اور منوج تنیجا نے جیٹلی کی جانب سے مخالفت کی تھی۔غور طلب ہے کہ جیٹلی نے 2015 میں اشوتوش، دہلی کے وزیر اعلی اروند کیجریوال اور دیگر نے رہنماؤں کمار وشواس، سنجے سنگھ، راگھو چڈھا اور دیپک واجپئی کے خلاف مجرمانہ ہتک عزت کا مقدمہ دائر کیا تھا۔ان لیڈروں نے جیٹلی پر دہلی ڈسٹرکٹ کرکٹ ایسوسی ایشن میں فنڈ کی دھاندلی کا الزام لگایا تھا جب وہ 2000 سے 2013 تک اس کے صدر تھے۔