ڈی سی کی طرف سے ڈانڈیلی میں لیزکی عمارتوں کو خالی کروانے کے احکامات
ڈانڈیلی 30/ اگست (ایس او نیوز)ضلع شمالی کینرا کے ڈپٹی کمشنر نے ماضی میں 99لیز پر حاصل کی گئی 47رہائشی عمارتوں کوناجائز قبضہ(اتی کرمن) قرار دیتے ہوئے خالی کروانے اور کئی منزلہ عمارتوں کو زمین بوس کرنے کے احکامات جاری کردئے ہیں۔اور ان احکامات پر عمل در آمد کی تفصیلات تین دن کے اندر ڈی سی کو نہ دینے کی صورت میں میونسپل کمشنر کے خلاف ضابطہ کی کارروائی کرنے کی نوٹس دئے جانے کی بات سامنے آئی ہے۔
ڈی سی کے اس حکم سے بلدی ادارے کے افسران اور پلاٹ پر عمارتیں تعمیر کرنے والوں کے اندر دہشت پھیل گئی ہے۔ بلدی اداروں کے منتخب عوامی نمائندوں کے لئے ان عمارتوں کو ڈھانے کے احکامات پر عمل در آمد کا سوال ایک بڑا درد سر بن کر کھڑا ہوگیا ہے۔ڈانڈیلی میونسپل کمشنرمنجو ناتھ سوامی نے تصدیق کی ہے کہ ڈپٹی کمشنر کی جانب سے اس طرح کے احکامات موصو ل ہوئے ہیں۔ وہ ان کا جائزہ لے رہے ہیں اور محکمہ کی طر ف سے ملے ہوئے حکم پر عمل پیرائی کے لئے تیار ہیں۔