سیرت تحریری مقابلوں کی تاریخ میں توسیع
بھٹکل 16؍جنوری (ایس او نیوز)آل انڈیا آئیڈیل ٹیچرس ایسوسی ایشن کی جانب سے سیرت النبی کے حوالے سے مجوزہ تحریری مقابلے میں شرکت کے لئے آخری تاریخ میں توسیع کردی گئی ہے۔
کنوینر تحریری مقابلہ جناب رضامانوی کی طرف سے جاری اخباری بیان کے مطابق ضلعی سطح پر اردو میں اور غیر مسلموں کے لئے کنڑا میں منعقد کیے جانے والے اس تحریری مقابلے میں شمولیت کی آخری تاریخ کو 15کے بجائے 30جنوری کردیا گیا ہے۔ جس میں ضلع شمالی کینرا کے پرائمری اور ہائی اسکول کے اساتذہ شریک ہوسکتے ہیں۔
اردو میں مضمون نگاری کا عنوان"حضور ؐ کا طریقۂ تدریس" ہے۔ جبکہ کنڑا میں عنوان کا مفہوم ہے' طلباء میں اخلاقی اقدار کے فروغ میں حضور ؐکی تعلیمات کتنی موثر ہوسکتی ہیں۔'
اس تحریری مقابلے میں دلچسپی رکھنے والے اساتذہ سے گزارش کی گئی ہے کہ وہ اپنے مضامین 30؍جنوری تک دعوت سنٹر سلطان اسٹریٹ کے پتے پر ارسال کریں۔