لکھنو 14/اپریل (ایس او نیوز) عالم اسلام کے موقر عالم دین دارالعلوم وقف دیوبند کے صدر مہتمم ونائب صدر آل انڈیا مسلم پرسنل لاء بورڈحضرت الاستاذ حضرت مولانا محمد سالم قاسمی آج سنیچر  دوپہر انتقال کرگئے۔ اناللہ وانا الیہ راجعون ۔

بتایا گیا ہے کہ مولانا محمد سالم قاسمی کی طبیعت گزشتہ کئی روز سے سخت ناساز تھی جس کے سبب ڈاکٹروں کے مشورہ کے بعد انہیں کچھ روز قبل  اسپتال کے  آئی سی یو میں داخل کرایاگیاتھا۔ انہیں کافی کمزوری محسوس ہورہی تھی اور سینے میں تکلیف ہونے کی شکایت تھی۔

ان کے انتقال کی خبر پھیلتے ہی  کثیر تعداد میں لوگ ان کی رہائش گاہ پہنچ گئے ہیں جن میں علماء ، طلبا، عمائدین  وغیرہ شامل ہیں۔

بتایا گیا ہے کہ ان کی نمازِ جنازہ احاطہ مولسری میں رات دس بجے ادا کی جائے گی  اور قاسمی قبرستان میں تدفین عمل میں آئے گی۔

اللہ تعالی حضرت والا کی خدمات کو قبول فرمائے، ان کی بال با ل مغفرت فرمائے  اور  جنت الفردوس میں اعلی مقام عطاء فرمائے آمین۔