دارجلنگ کی بدامنی سے سکم ہو رہا ہے مالامال، سیاحت میں اچھال
سکم، 20؍جون (ایس او نیوز؍آئی این ایس انڈیا )سیاحت کے لحاظ سے دارجلنگ کے لئے یہ سب سے زیادہ کمائی والاوقت چل رہاہے۔اس موسم میں دارجلنگ میں بدامنی کافائدہ سکم کومل رہاہے۔گورکھا جن مکتی مورچہ تحریک کی وجہ سے سیاحوں دارجلنگ کے بجائے پڑوسی ریاست سکم کارخ کررہے ہیں۔سکم سیاحت سیکرٹری سی جاگپونے کہاکہ دارجلنگ میں کشیدگی کی وجہ سے یہاں سیاحت کی صنعت میں اچانک اچھال آ گیاہے۔دارجلنگ میں جی جے ایم تحریک کی وجہ سے وہاں جانے کی منصوبہ بندی بنانے والے بہت سے گھریلواورغیر ملکی سیاحوں نے اپنی بکنگ منسوخ کرا دی ہیں۔اب ان لوگوں نے سکم جانے کا منصوبہ بنا لیاہے۔جاگپونے کہاکہ گنگ ٹوک میں سیاحت سے متعلق اداروں میں اس وقت بہت سے صارفین ہیں۔آئندہ کئی دنوں کے لئے وہاں بکنگ بھی مکمل ہو چکی ہیں۔سکم سیاحت سکریٹری نے کہنا تھا کہ سکم گھومنے آئے تقریباََ تمام سیاحوں یا تو سفر کے اپنے دوسرے مرحلے میں دارجلنگ جانے والے تھے یا یہاں آنے سے پہلے وہ دارجلنگ گئے تھے۔ٹریول ایجنسی کو اس بات کی فکر ہے کہ اتنی زیادہ تعداد میں سیاحوں کا انتظام کرنا مشکل ہے اور سیکرٹری نے بھی اس قسم کی تشویش کااظہارکیا۔