دارجلنگ میں کشیدگی، تشددکاکوئی نئی واقعہ نہیں ہوا
کولکاتہ،23؍جولائی(ایس او نیوز؍آئی این ایس انڈیا)جی جے ایم کے غیر معینہ بندکے39ویں دن دارجلنگ میں صورتحال آج بھی کشیدہ رہی اگرچہ پہاڑیوں میں کہیں سے بھی تشددیاآتش زنی کی خبرنہیں ہے۔پولیس اور سیکورٹی فورسزپہاڑیوں میں گشت پرہیں۔ادویات دکانوں کے علاوہ ریستوران،ہوٹل، اسکول اور کالج بند رہے۔جی جے ایم نے گورکھا لینڈ کو لے کر آپ کی مانگ کی حمایت میں پہاڑیوں کے مختلف حصے میں ریلیاں نکالی ہیں۔صبح کے وقت کچھ سیاسی جماعتوں کے کارکنوں نے روایتی نیپالی ملبوسات میں ریلیاں نکالی ہیں۔ریلیوں میں گورکھا لینڈ کی حمایت میں نعرے لگائے گئے۔بند کی وجہ سے پہاڑیوں میں خوراک کی فراہمی بری طرح متاثرہونے کے درمیان جی جے ایم اور این جی او کے کارکنوں کوکئی مقامات پرمقامی لوگوں کو اناج تقسیم کرتے دیکھاگیاہے۔