دارجلنگ،14؍جون(ایس او نیوز؍آئی این ایس انڈیا)گورکھا جن مکتی مورچہ جی جے ایم کی قیادت میں دارجیلگ پہاڑی علاقے میں بدھ کو تیسرے دن بھی بندجاری رہا۔الگ گورکھا لینڈ ریاست کی مانگ کو لے کر ریلیاں نکالی گئیں۔پولیس کسی بھی قسم کے تشدد کو ٹالنے کے لئے گشت کر رہی ہے۔دارجلنگ میں چوک با زاراورمال روڈپراوراس کے اردگرد زیادہ تر دکانیں آج بند رہیں۔پولیس انتہائی احتیاط برت رہی ہے اور کئی علاقوں میں گشت کر رہی ہے۔دوپہرتک کسی قسم کی ناخوشگوار واقعہ کی کوئی اطلاع نہیں ملی ہے۔جی جے ایم اور دیگر علاقائی پارٹیوں نے علیحدہ ریاست گورکھالینڈ کے مطالبے کو لے کر کئی علاقوں میں ریلیاں نکالیں۔دارجلنگ میں سرکاری اور گورکھا لینڈ علاقائی انتظامیہ جیٹیے کے دفاتر میں جی جے ایم کی مویدہڑتال 12جون کو شروع ہوئی تھی۔جی جے ایم نے لوگوں کو کام پر جانے سے روکنے کے لئے کل چوکباجار میں کئی سرکاری دفاتر تک مارچ نکالاتھا۔جی جے ایم حامیوں کو کل جب روکا گیا تو وہ متشدد ہو گئے اور انہوں نے پتھراؤکیا۔چھ علاقائی پارٹیوں سے حمایت حاصل کرنے کے بعد جی جے ایم کی علیحدہ ریاست کا مطالبہ نے اور لے پکڑ لی ہے۔انہوں نے علیحدہ ریاست کا مطالبہ کرتے ہوئے کل متفقہ طورپرایک قرارداد منظورکی۔حکمران ترنمول کانگریس کی اتحادی گورکھا نیشنل لبریشن فرنٹ نے بھی علیحدہ ریاست کے مطالبہ کی حمایت کی ہے۔مرکزی حکومت نے تشدد سے متاثردارجلنگ میں صورتحال معمول پر میں ریاستی حکومت کی مدد کے لئے کل نیم فوجی دستوں کے 600جوانوں کوبھیجاتھا۔مرکزی حکومت نے ریاستی حکومت سے اس پہاڑی ضلع میں موجودہ حالات پرتفصیلی رپورٹ بھی مانگی ہے۔