ڈانڈیلی : ساگوانی اور سیسم ضبط : سواری سمیت ماں بیٹا گرفتار
ڈانڈیلی:11/ستمبر(ایس اؤ نیوز) جوئیڈا تعلقہ کے ورنولی علاقے کے گویگالی جنگل میں ساگوانی اور سیسم لکڑی کے تنوں کو ماروتی سوجوکی ایکونمبر کے اے 25-ایم بی 3488 سواری میں غیر قانونی طورپر سپلائی کرنےکےدوران فاریسٹ افسران نے چھاپہ مار کر سواری سمیت لکڑیوں کے تنے ضبط کرتے ہوئے2کو گرفتار کرنے کا واقعہ پیش آیا ہے۔
گرفتارشدہ ملزمان کی شناخت دھارواڑ کے ماں بیٹے منی کنٹھ نائر (24) اور شریمتی ہرمیت نائر (51) بتائی گئی ہے۔ جنتا کالونی کے مکین شیو ردرپا ایر پا کچڈی (40)فرار شدہ ملزم ہونے کی فاریسٹ افسران نے جانکاری دی ہے۔
بتایاگیا ہے کہ تینوں اپنی سواری میں غیر قانونی طورپر سیسم اور ساگوانی لکڑی کے تنوں کو سپلائی کررہے تھے ، ماروتی سمیت کل 4.5لاکھ روپئے مالیت کی لکڑیاں ضبط کرلی گئی ہیں۔ فاریسٹ افسران رمیش ، سی کے گارواڑے کی رہنمائی میں کارروائی انجام دی گئی ۔