ڈانڈیلی میں ایڈوکیٹ اجیت نائک قتل معاملہ؛ ایک اورملزم گرفتار

Source: S.O. News Service | By I.G. Bhatkali | Published on 5th August 2018, 2:15 PM | ساحلی خبریں | ان خبروں کو پڑھنا مت بھولئے |

ڈانڈیلی5؍اگست (ایس او نیوز) ڈانڈیلی کے سینئر ایڈوکیٹ اجیت نائک کے قتل میں کلیدی ملزمین میں سے ایک اور شخص کو پولیس نے گرفتار کرلیا ہے جس کی شناخت ونائیک کیمپنا کرننگ کے طور پر کی گئی ہے۔

ملزم کرننگ کو گرفتاری کے بعد پولیس نے عدالت کے روبرو پیش کرتے ہوئے مزید تحقیقات کے ملزم کو پولیس کسٹڈی میں دینے کی درخواست کی جسے عدالت نے قبول کیا اور 8اگست تک کے لئے پولیس کسٹڈی میں دیا گیا۔ونائیک کرننگ ضلع میں مختلف مقامات پر خدمات انجام دے کر ریٹائر ہونے والے ایک پی ایس آئی کا بیٹا ہے۔ونائیک کی شادی گزشتہ دو تین سال قبل ہوئی تھی اور اس نے ڈانڈیلی ٹاؤن شپ میں رہائش کررکھی تھی۔ونائیک اپنے آپ کو امبیڈکر سینا کا ضلعی نائب صدراوربھیم آرمی کا ریاستی نائب صدر کہتا تھا۔پتہ چلا ہے کہ اس نے اجیت نائک قتل کے کلید ی ملزم پانڈورنگا عرف دیپک عرف چپاتے کو کئی معاملات میں تعاون کیا کرتاتھا اور اجیت نائک کے قتل پر اکسانے میں بھی اس کا ہاتھ ہے۔ماؤلنگی زمین کے معاملات میں بھی غیر ضروری طورپر مداخلت کرتے ہوئے کرننگ نے پانڈو رنگا کامبلے کی مدد کرنے کی بات بھی کہی تھی۔

پولیس کا کہنا ہے کہ پانڈورنگاکامبلے نے اجیت نائک کے قتل کے بعد فرار ہوکر سیدھے ونائیک کرننگ کے گھر پہنچا ۔ وہاں پر اس نے اپنے خون آلود کپڑے اتارے اور دوسرے کپڑے پہن کر وہاں سے فرار ہوگیا۔اس لئے مزید تفصیلات جاننے اور کچھ چیزیں برآمد کرنے کے لئے پولیس ونائیک کرننگ سے سختی کے ساتھ پوچھ تاچھ کررہی ہے ۔پولیس کے بیان کے مطابق ونائیک کرننگ ایک ہسٹری شیٹر غنڈہ ہے۔ ڈانڈیلی کے علاوہ ضلع شمالی کینرااور ریاست کے دوسرے شہروں میں بھی اس کے خلاف مجرمانہ سرگرمیوں کے کئی کیس درج ہیں۔اس سے پہلے بھی ماولنگی میں ہوئے ایک معاملے میں اسے ہلاکت خیز ہتھیار کے ساتھ پولیس نے گرفتار کیا تھا۔

اس کے علاوہ میسورو سے تعلق رکھنے والے ایک اور ملزم کے شامل ہونے کی بات بھی پولیس کو پتہ چلی ہے اور ڈانڈیلی پولیس کی ایک ٹیم نے میسورو پہنچ کر وہاں کی پولیس کی مدد سے اس ملزم کو گرفتار کرنے کے لئے جال بچھایا گیا ہے۔

ایک نظر اس پر بھی

ہوناور:پریش میستاکی پراسرار موت کے معاملے میں نیا خلاصہ۔ واردات سے پہلے بند کردیا گیا تھا سی سی کیمرہ !

ہوناور میں فرقہ وارانہ کشیدگی کے دوران پریش میستانامی نوجوان کی پراسرار موت کو سنگھ پریوار کی طرف سے فرقہ وارانہ قتل قرار دیا جارہا تھا۔لیکن سی بی آئی کی تحقیقات دوران اس معاملے نے اب ایک نیا رخ لے لیا ہے۔

بھٹکل میں تنظیم میڈیا ورکشاپ کا شاندار اختتامی اجلاس۔ میڈیا کی معتبر شخصیات اور علماء کا خطاب۔ ورکشاپ کے شرکاء کو انعامات اور اسناد کی تقسیم

صحافت کے پیشے میں دلچسپی رکھنے والوں کے لئے مجلس اصلاح وتنظیم کی میڈیا واچ کمیٹی کی نگرانی میں منعقد ہونے والے ہونے پانچ روزہ ورکشاپ کے اختتام پر ایک شاندار اختتامی اجلاس بندر روڈ سیکنڈ کراس پر واقع المدینہ ہال میں منعقد ہوا۔

بھٹکل میں گھر کی چھت سے گرنے والا بچہ علاج کارگر نہ ہونے سے ہلاک۔ڈاکٹر پر غفلت برتنے کا الزام۔ ڈاکٹر نے طلب کی معذرت

بھٹکل سرکاری اسپتال میں بدھ کو  عوام نے بچے کی ایک نعش لے کر ایک ڈاکٹر کا گھیراو کیا اور اُس پر غفلت  برتنے کا الزام عائد کرتے ہوئے  اُسے  آڑے ہاتھوں لیا۔ عوام کا الزام تھا کہ ڈاکٹر کی لاپرواہی سے اس بچے کی جان گئی ہے۔

بیلتھنگڈی: گاڑی میں غیر قانونی دھماکہ خیز مادہ لے جانے والے سے رشوت لینے کے الزام میں 2پولیس اہلکار معطل

پونجلا کٹّے پولیس اسٹیشن سے وابستہ ایک اے ایس آئی لکشمن اور ہیڈکانسٹیبل ابراہیم کو اس الزام کے تحت معطل کردیا گیا ہے کہ انہوں نے غیر قانونی طور پر موٹر بائک میں دھماکہ خیز اشیاء لے جانے والے چنّا سوامی سے 24ستمبر کو رشوت لی تھی۔

حج 2019 : بحری جہاز سے سفر ممکن : مختار عباس نقوی

مرکزی وزیر برائے اقلیتی امور او رحج مختار عباس نقوی نے حج 2019 کا اعلان کرتے ہوئے کہا کہ مذکورہ سیزن میں بحری جہاز سے بھی سفر ممکن ہوگا ۔انہوں نے اس موقع پر حج ہاؤس کے صدر دفتر کی فلک بوس عمارت پر قومی پرچم لہرایا جو کہ زمین سے 350فٹ کی بلندی پر ہے ۔ انہوں نے کہا کہ حج کمیٹی جی ایس ٹی ...

اجودھیا تنازع : عدالت کے باہر اگر کوئی قانون بنے گا تو اس کو مسلمان نہیں کرے گا تسلیم : اقبال انصاری

ناگپور میں آر ایس ایس سربراہ موہن بھاگوت کے جمعرات کو رام مندر کے معاملہ پر دئے گئے بیان پر مختلف فریقوں کا رد عمل سامنے آرہا ہے ۔ جہاں آل انڈیا مسلم پرسنل بورڈ کے رکن مولانا خالد رشید فرنگی محلی نے موہن بھاگوت کے بیان کو سیاسی قرار دیا ہے ،

بیلتھنگڈی: گاڑی میں غیر قانونی دھماکہ خیز مادہ لے جانے والے سے رشوت لینے کے الزام میں 2پولیس اہلکار معطل

پونجلا کٹّے پولیس اسٹیشن سے وابستہ ایک اے ایس آئی لکشمن اور ہیڈکانسٹیبل ابراہیم کو اس الزام کے تحت معطل کردیا گیا ہے کہ انہوں نے غیر قانونی طور پر موٹر بائک میں دھماکہ خیز اشیاء لے جانے والے چنّا سوامی سے 24ستمبر کو رشوت لی تھی۔

اُترکنڑا میں زائد پرائمری ٹیچروں کا تبادلہ؛ اردو اسکولوں کے ساتھ ناانصافی۔نارتھ کینرا مسلم یونائیٹد فورم کو تشویش

محکمہ تعلیمات کی طرف سے پرائمری اسکولوں میں جہاں طلبہ کی تعداد مقررہ معیارسے کم ہے وہاں سے زائد ٹیچروں کا تبادلہ کرنے کی جو پالیسی اپنائی ہے اس پر اپنا ردعمل ظاہر کرتے ہوئے نارتھ کینرا مسلم یونائٹیڈ فورم کے جنرل سکریٹری جناب محسن قاضی نے کہا ہے اس سے اردو اسکولوں کے ساتھ بڑی ...