نامدھاری سماج کے سیاسی لیڈراور سابق ضلع پنچایت صدر دامودر گرڈیکر کا بنگلورو میں ہو اانتقال

Source: S.O. News Service | By I.G. Bhatkali | Published on 4th September 2018, 10:07 PM | ساحلی خبریں | ان خبروں کو پڑھنا مت بھولئے |

بھٹکل 4؍ستمبر (ایس او نیوز) بھٹکل کی نامدھاری برادری کے ایک خوش مزاج اور ملنسار سیاسی و سماجی لیڈر دامودر گرڈیکر(64سال) کا بنگلورو کے اسپتال میں انتقال ہوگیا ہے ۔ معلوم ہوا ہے کہ موصوف جگر کی بیماری میں کچھ عرصے سے مبتلا تھے اور علاج کے لئے میں بنگلورو کے اسپتال میں داخل کیے گئے تھے۔
دامودر گرڈیکر ایک بہت ہی اچھے والی بال کھلاڑی تھے اپنے کالج کے زمانے میں انہیں یونیورسٹی بلیو ہونے کا اعزاز حاصل ہواتھا۔ طالب علمی کے زمانے سے ہی ایک کھلاڑی کے طور پر مسلم نوجوانوں کے ساتھ ان کے بہت ہی دوستانہ تعلقات تھے اور عرف عام میں دامو کے نام سے پہچانے جاتے تھے۔ پھر جب وہ سیاسی میدان میں قسمت آزمائی کرنے لگے تو پہلے جنتا دل میں شامل رہے اور 1989اسمبلی انتخابات میں کانگریس کے آر این نائک کے مقابلے میں دامودر نے مجلس اصلاح و تنظیم کے حمایت یافتہ جے ڈی ایس امیدوار کی حیثیت سے مقابلہ کیا۔ اس انتخاب میں آر این نائک نے 29315ووٹ حاصل کرتے ہوئے جیت درج کی جبکہ دامودر نے 27421ووٹ حاصل کیے اور انہیں صرف1894ووٹوں سے شکست کا منھ دیکھنا پڑاتھا۔پھر انہوں نے کانگریس پارٹی میں شمولیت اختیار کی اور اتر کنڑ ا ضلع پنچایت کے صدر منتخب ہوئے۔وہ ماضی میں ضلع پنچایت یونین کے صدر بھی منتخب ہوئے تھے۔

دامو گرڈیکر خوش اخلاق ،ملنسار اور عوام دوست شخصیت کے حامل تھے۔انہوں نے اپنی غیر متنازعہ اور سیکیولر امیج پر کبھی آنچ نہیں آنے دی۔ مقامی مسلم عوام اور قائدین کے ساتھ ان کے بڑے خوش گوار تعلقات تھے۔

واضح رہے ک دامودر گرڈیکررشتے میں بھٹکل اسمبلی حلقے سے حال ہی میں بی جے پی امیدوار کے بطور جیت درج کرنے والے رکن اسمبلی سنیل نائک کے ماموں لگتے ہیں۔معلوم ہوا ہے کہ بدھ کے دن ان کی لاش بھٹکل پہنچے گی ، جس کے بعدیہاں آخری رسومات انجام دی جائیں گی۔

ایک نظر اس پر بھی

اترکنڑا ضلع میں مزید بارش کے امکانات کے پیش نظر ریڈ الرٹ جاری :بھٹکل میں ریکارڈ 140ملی میٹر بارش

ضلع کے ساحلی  پٹی کے مقامات پر رات دن  مسلسل برستی بارش کے نتیجےمیں عوامی زندگی بہت بری طرح متاثر ہوئی۔ پیر کی صبح سے شروع ہوئی بارش شام تک لگاتار برستی رہی ۔ ان حالات میں محکمہ موسمیات کی طرف سے ’ریڈ الرٹ ‘ جاری کرتے ہوئے  علاقہ میں مزید بارش برسنے کا امکان بتایا ہے۔ محکمہ ...

منگلورو میں ڈینگی سے ٹی وی جرنلسٹ ہلاک 

بی ٹی کے لئے ویڈیو جرنلسٹ کے طور خدمات انجام دینے والے ناگیش پاڈوکی موت کے ساتھ منگلورو میں ڈینگی بخار سے ہونے والی ہلاکتوں میں ایک او ر اضافہ ہواہے۔خیال رہے کہ اس سے قبل ڈینگی بخار میں مبتلا تین افراد کی موت واقع ہوچکی ہے۔

منگلورو میں ڈینگی سے ٹی وی جرنلسٹ ہلاک 

بی ٹی کے لئے ویڈیو جرنلسٹ کے طور خدمات انجام دینے والے ناگیش پاڈوکی موت کے ساتھ منگلورو میں ڈینگی بخار سے ہونے والی ہلاکتوں میں ایک او ر اضافہ ہواہے۔خیال رہے کہ اس سے قبل ڈینگی بخار میں مبتلا تین افراد کی موت واقع ہوچکی ہے۔

جنوری 19 کو ہوں گےانجمن حامئی مسلمین بھٹکل کے انتخابات؛ اسحاق شاہ بندری الیکشن کمشنر منتخب

قومی تعلیمی ادارہ انجمن حامئی مسلمین بھٹکل کے عام انتخابات اگلے سال 19 جنوری کو ہوں گے جس کے لئے آج سنیچر کو  ہوئی انتظامیہ میٹنگ میں  الیکشن کمشنر کا انتخاب عمل میں آیا ہے۔  اس بات کی تصدیق انجمن کے جنرل سکریٹری جناب صدیق اسماعیل نے کی ہے۔ انہوں نے بتایا کہ  آج کی میٹنگ میں ...

بھٹکلی جماعت المسلمین مینگلورو کا مستحسن اقدام : بنٹوال میں ہوئے سڑک حادثے میں شدید زخمیوں کی عیادت کرنے اور اُنہیں ہرممکن تعاون دینے جماعت کے وفد کا اسپتال دورہ

بھٹکلی  جماعت المسلمین مینگلور کے ایک وفد نے  مینگلور کے مختلف اسپتالوں کا دورہ کرتے ہو ئے  کل جمعہ کو سڑک حادثے میں ہوئے زخمی بھٹکلی لوگوں کی عیادت کی اور اُن کے رشتہ داروں سے بات چیت کرتے ہوئے جماعت کی جانب سے ہر ممکن تعاون کا یقین دلایا۔

انکولہ میونسپالٹی چیف آفیسر کو ڈی سی نے لیا آڑے ہاتھ۔ کہا؛ اگر تم ایماندار ہوتے تو کٹہرے میں کھڑے نہ ہوتے

انکولہ میونسپالٹی میں ڈھنگ سے کام نہ ہونے کی شکایت ملنے پر  اُترکنڑا کے ڈپٹی کمشنر  ڈاکٹر ہریش کمار انکولہ پہنچ کر  میونسپل چیف آفسر بی پرہلاد کو آڑے ہاتھوں لیا اور کہا کہ اگر تم  ایمانداری سے اپناکام انجام دے رہے ہوتے  تو اس طرح کٹہرے میں کھڑے ہونے کی نوبت نہ آتی ۔ ڈپٹی ...