چنتامنی،21؍ستمبر(سید اسلم پاشاہ؍ایس او نیوز) دلت طبقہ کے علاقوں کو بنیادی سہولیات اور سرکاری سہولتوں کو فراہم کرنے میں کوتاہی و من مانی کرنے کا الزام عائد کرتے ہوئے پی ڈی او آفیسر اور گرام پنچایت صدر کی مخالفت میں کرناٹکا دلت سنگھرش سمیتی کے کارکنان نے تعلقہ کے چلکنرپور گرام پنچایت دفتر کو تالا لگاکر زبردست احتجاج کیا۔
احتجاجیوں نے کہا کہ چلکنرپور گرام پنچایت کے حدود میں آنے والے قریوں کی ترقی کرنے میں من مانی اور لاپرواہی کی جارہی ہے خصوصی طور پر جس علاقے میں دلت طبقہ کے لوگ زندگی بسر کررہے ہیں ان علاقوں کو بنیادی سہولتیں فراہم کرنے کے بجائے گرام پنچایت کے پی ڈی او اور گرام پنچایت صدر دونوں مل کر مختلف قسم کا فنڈ ہڑپ کررہے ہیں۔ احتجاجیوں نے مطالبہ کیا کہ اعلیٰ افسران گرام پنچایت کو آنے والے فنڈ کی چھان بین کرے کہ یہ فنڈ کہاں کہاں پر استعمال کیا گیا ہے۔ احتجاجیوں نے دھمکی دیتے ہوئے کہا کہ اگر پی ڈی اواور گرام پنچایت صدر کا پردہ فاش نہیں کیا گیا تو احتجاج کو واپس نہ لیتے ہوئے دن رات گرام پنچایت کے روبرو بھوک ہڑتال کریں گے ۔
احتجاجیوں نے کہا کہ ہندوستان کو آزادی مل کر کئی سالوں کا عرصہ ہورہا ہے لیکن دلتوں کو اب بھی آزادی نہیں ملی کیونکہ دلتوں کے رہنے والے علاقوں میں بنیادی سہولتیں نہ ہونے پر دلتوں کو پریشانیوں کا سامنا کرنا پڑرہا ہے۔ احتجاجیوں نے اور کہا کہ دلتوں کے علاقوں میں پانی کی سہولت پاکی صفائی نہ کرتے ہوئے دلتوں کے رہنے والے علاقوں کو بیت الخلاء تعمیر کرکے دینے کے لئے حکومت کے طرف سے جو فنڈ آرہا ہے اس کو گرام پنچایت کے افسران ہی ہڑپ کررہے ہیں چلکنرپور کے آس پاس کئی دلتوں کے محلے موجود ہے ان کو آج تک گرام پنچایت کی طرف سے بیت الخلاء تعمیر کرکے نہیں دیا گیا جس کی وجہ سے آج بھی دلت لوگ رفع حاجت کے لئے اِدھر اُدھر جانے پر مجبور ہیں۔
احتجاجیوں نے مزید کہا کہ چلکنرپور گرام پنچایت کے آس پاس جو دلتوں کے علاقے ہیں ان دلتوں کے علاقوں میں کئی دلت طبقہ کے احباب بے گھر ہیں حکومت سے جو گھر تعمیر کرنے کے لئے فنڈ آیا ہے اُس فنڈ کی ہیرا پھیری کرکے فند کو گرام پنچایت کے افسران اور صدر مل کر غبن کرلئے ہیں اگر جلد ہی بے گھر دلتوں کو گھر تعمیر کرکے نہیں دیا جاتا تو احتجاج میں شدت لائی جائے گی۔احتجاج کے بعد تعلقہ پنچایت ای۔او۔سرنیواس کو مختلف مطالبات پر مشتمل میمورنڈم پیش کیا گیا۔
کرناٹکا دلت سنگھرش سمیتی کے ضلعی کنوینر وجئے نرسمہ قوالی وینکٹ رونپا خزانچی چندراپا تعلق کنوینر راگھو ٹی کے وینکٹ رونپا نارائن سوامی روی ایشورپا رامپاشری رامپا ٹی وینکٹ رونا سمیت کئی دلت طبقہ کے لوگ موجود احتجاج میں شامل تھے۔