چنتامنی میں امبیڈکر بھون کا تعمیری کام جلد شروع کرنے دلت تنظیم کا مطالبہ؛ دوسال سے کام زیرالتوا رہنے پر متعلقہ جگہ پر ہی احتجاجی دھرنا
چنتامنی:27 /ستمبر(محمد اسلم/ایس او نیوز) شہر کے کینرا بینک کے روبرو امبیڈکر بھون کے تعمیر کے لئے پچھلے دو سال قبل سنگ بنیاد رکھی گئی تھی لیکن پچھلے کئی مہینوں سے بھون کا تعمیری کام زیر التواء ہے آج کرناٹکا دلت سنگھرش سمیتی کے کارکنوں نے زیر التواء امبیڈکر بھون کے روبرو احتجاج کرتے ہوئے کہا امبیڈکر بھون کا تعمیر ی کام پچھلے کئی مہینوں سے زیر التواء پڑا ہو ہے کانگریس حکومت امبیڈکر بھون کے تعمیر کے لئے فنڈ جاری کرنے میں لاپراوہی برت رہی ہے ۔ دو سال قبل کولار پارلیمان حلقہ کے سابق وزیر و رُکن پارلیمان کے ہیچ منی اپا ودیگر سیاسی لیڈروں نے اُس کی سنگ بنیاد رکھی تھی اور منی اپا نے یقین دلایا تھا کہ امبیڈکر بھون کا تعمیری کام دو سالوں میں مکمل ہوجائے گا منی اپا کا یہ وعدہ بالکل ہی جھوٹا ثابت ہوا منی اپا سنگ بنیاد رکھنے کے بعد سے لیکر آج تک اُس امبیڈکر بھون کی تعمیر کے لئے کچھ نہیں کیا اور کہیں پربھی اس کا ذکر تک نہیں کیا۔ منی اپا نے دلتوں کے لئے کچھ بھی نہیں کیا ہے۔۔احتجاجیوں نے کہا کہ منی اپا کولار پارلیمان حلقہ سے سات مرتبا کامیاب ہوئے لیکن انھوں نے دلتوں کی ترقی کے لئے کچھ کام نہیں کیا منی اپا دلتوں کو صرف ووٹ بینک کے طور پر استعمال کررہے ہیں ۔احتجاجیوں نے کہا کہ اگر فوراََ امبیڈکر بھون کا تعمیر ی کام شروع نہیں کیا گیا تو احتجاج میں شدت لایاجائے گا اور رُکن اسمبلی و ڈپٹی کمشنر دفتر کا گھیراؤ کرکے دن رات احتجاج کریں گے ۔اس احتجاج میں دلت تنظیم کے لیڈرلکشمی نارائن ،ورکنگ جرنسلسٹ یونین کے تعلقہ صدر رادھاکرشنا دلت تنظیم کے کنوینر قوالی وینکٹ رونپا جناردھن بابو رمیش شیکھرا سی ایل ناگراج وغیرہ موجود رہے۔