یڈی یورپا اور بی جے پی کے لیڈروں کی سنگدلی ؛ کاروار میں سڑک پر تڑپتے شخص کی طرف نظر اٹھا کر نہیں دیکھا

Source: S.O. News Service | By I.G. Bhatkali | Published on 10th June 2017, 2:29 PM | ساحلی خبریں | ریاستی خبریں |

کاروار10؍جون(ایس او نیوز) دلت کے مکانوں پر جاکر اُن کے ساتھ بیٹھ کر کھانا کھانے اور  اُن کے ساتھ  کسی بھی طرح کا بھید بھائو نہ کرنے کی بات کرنے والے  ریاست کے سابق وزیراعلیٰ یڈی یورپا  کاروار کے عوام نے الزام لگایا ہے کہ جب  کاروارنندن گدّا امبیڈکرکالونی کا دورہ کرنے کے بعد واپس جارہے تھے تو  اُس دوران ایک دلت شخص کے اچانک بیمار پڑنے کے بعدایک لمحے رُک کر اُسے دیکھنے تک کی زخمت گوارہ نہیں کی ہے۔

ذرائع نے بتایا کہ   جب یڈی یورپا سمیت بی جے پی کے اعلیٰ ریاستی لیڈروں کا قافلہ گزر رہا تھا تو ان کی راہ دیکھنے کے لئے سڑک کنارے جمع لوگوں میں سے ایک شخص اچانک بیمار ہوگیا اور راستے پر گر کر تڑپنے لگا۔ لیکن بی جے پی کے ان عوامی نمائندوں اور لیڈروں کے پاس چند لمحے بھی نہیں تھے کہ کوئی رک کر اس کا حال دریافت کرتا۔ سب کے سب اپنی دھن میں اس طرح آگے بڑھ گئے جیسے انہوں نے کچھ دیکھا ہی نہیں ۔

ذرائع سے ملی اطلاع کے مطابق بی جے پی کے لیڈروں کی 15سے زیادہ موٹر گاڑیوں کا قافلہ جب تیزی سے آگے بڑھ رہاتھا تو سڑک کنارے ان کی راہ دیکھنے والے ایک دلت نوجوان پر اچانک مرگی (فِٹس) کا دورہ پڑااور وہ سڑک پر گرگیا۔ لیکن یڈی یورپا اور سابق وزیر کمار بنگارپاسمیت کسی ایک کار میں بھی موجود لیڈر کو اتنی فرصت نہیں تھی کہ ایک لمحے کے لئے گاڑی روک کر اس نوجوان کا حال دریافت کرتا۔ عینی مشاہدین کا کہنا ہے کہ بی جے پی قائدین کا یہ قافلہ اتنی سنگدلی اور بے پرواہی سے آگے بڑھ گیا کہ قافلے میں شامل ایک گاڑی سڑک پر گرے اس شخص کے پیروں پر سے گزرنے کے قریب آگئی،اس وقت وہاں موجود پولیس اہلکار دوڑ کر گاڑی کو عین وقت پر روکنے اور موڑ دینے میں کامیاب ہوگیا۔

یڈی یورپا اوربی جے پی قائدین کے اس غیر انسانی رویے کے پس منظرمیں مریض کی ماں گلابی نے دکھ اور مایوسی کے ساتھ کہا کہ ہم تو یڈی یورپا کی راہ میں آنکھیں بچھائے ہوئے تھے، لیکن میرابیٹاسڑک پر تڑپ رہا تھا اورکسی ایک لیڈر کے پاس بھی اتنا وقت نہیں تھاکہ وہ اس کی طرف نظراٹھا کر دیکھتا۔
 

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔