منگلورو میں دن دہاڑے ڈکیتی۔۔ خاتون کے جسم پرموجودزیورات لوٹے گئے
منگلور2؍جون (ایس او نیوز) مُلکی پولیس اسٹیشن کے حدودمیں واقع پکشی کیرے نامی گاوں میں موٹر بائک پر سوار ہوکر آنے والے لٹیرے گھر میں گھس کردن دہاڑے خاتون کے جسم پر موجود زیورات چھین لے جانے کی واردات ہوئی ہے۔
ذرائع کے مطابق پتھروں کی کان کے مالک کوپاسوامی کی بیوی کاویرما جس وقت گھر میں تنہا تھی، اس وقت لٹیروں نے دستک دی اورکوپاسوامی سے بات کرنے کی خواہش جتائی، جیسے اس نے گھر کادروازہ کھولا انہوں نے اندر گھس کرکاویرما کو دبوچ لیا اور منھ میں کپڑے ٹھونس کرہاتھ پاؤں باندھنے کے بعد یہ واردات انجام دی اور 184گرام وزنی تین سونے کی چین لوٹ کر فرار ہوگئے ۔کاویرما کا کہنا ہے کہ لٹیرے ملیالم اور تمل زبانیں بول رہے تھے۔
پولیس کے اعلیٰ افسران نے موقع پر پہنچ کر جائزہ لیااور کیس درج کرنے کے ساتھ فنگر پرنٹس ماہرین کی مدد سے تحقیقات کا آغاز کیا ہے۔