گوری لنگیش اورنریندردابھولکر کا قتل ایک ہی پستول سے کیا گیا تھا :سی بی آئی 

Source: S.O. News Service | By Shahid Mukhtesar | Published on 26th August 2018, 11:30 PM | ریاستی خبریں | ملکی خبریں |

پونے26 اگست (ایس او نیوز؍آئی این ایس انڈیا) سینئر صحافی گوری لنکیش کے قتل میں اسی ہتھیار کا استعمال کیا گیا تھا، جس سے سماجی کارکن نریندر دابھولکر کے قتل کو انجام دیا گیا ہے ۔ سی بی آئی نے پونے کورٹ کے سامنے اپناموقف رکھنے کے دوران اس کی اطلاع دی ۔

سی بی آئی کے مطابق دابھولکر قتل کے ملزم نے پوچھ تاچھ کے دوران اس بات کا انکشاف کیا۔ حالانکہ ابھی تک معاملے کی فورینزک سائنس لیبارٹری (FSL) کی رپورٹ نہیں آئی ہے۔ عدالت میں پیش کی گئی ریمانڈ رپورٹ کے مطابق دابھولکر قتل کے ملزم سے پوچھ گچھ میں سی بی آئی کو پتہ چلا کہ گوری لنکیش کے قتل میں استعمال کی گئی بندوق اس کو امول کالے نے دی تھی۔ امول کالے سینئر صحافی گوری لنکیش کے قتل کیس میں ملزم ہے۔ گوری لنکیش کے قتل کیس میں گرفتار ملزم امول کالے نے سچن پرکاش اندورے کو 7.65 ایم ایم کی دیسی پستول اور تین گولیاں دی تھی۔

واضح ہو کہ دابھولکر کے قتل کے چار سال بعد گوری لنیش کا قتل ہوا تھا۔ ان دونوں معاملہ میں سناتن سنستھا سمیت دائیں بازو تنظیموں کے کردار کا مشتبہ مانا جارہا ہے ۔ اگرچہ سی بی آئی نے اپنی ریمانڈ درخواست میں کسی بھی تنظیم کا نام نہیں لیا ہے، جو ان معاملات میں شامل ہو سکتی ہے۔وہیں پونے کی عدالت نے دابھولکر قتل کے ملزم اندورے کی سی بی آئی حراست 30 اگست تک بڑھا دی ہے ۔ اسکو اتوار کو پونے کی ضلعی عدالت میں پیش کیا گیا۔ اس سے پہلے گزشتہ ہفتے اس اورنگ آباد سے گرفتار کیا گیا تھا۔

سی بی آئی کے مطابق سچن پرکاش اندورے پہلا شوٹر اور شرد کلسکر دوسرا شوٹر ہے۔جنہوں نے نریندر دابھولکر پر گولیاں چلائی تھی۔اتوار کو سی بی آئی کے وکیل نے ادرے کی حراست بڑھانے کا مطالبہ کرتے ہوئے کہا کہ دابھولکر اور گوری لنکیش کے قاتلوں کے درمیان تعلق ہے۔ گوری لنکیش کے قتل میں استعمال کی گئی بندوق سچن پر کاش اندورے اور اس کے ساتھی کے گھر سے برآمد کی گئی، یہی پستول دابھولکر کے قتل کے لئے بھی استعمال کی گئی تھی۔ 

ایک نظر اس پر بھی

کانگریس لوک سبھا انتخابات کی تیاریوں میں مصروف، جے ڈی ایس سے اتحاد کی صورت میں کانگریس آٹھ حلقے چھوڑنے پر آمادہ

ریاست کی مخلوط حکومت کو گرانے کے لئے بی جے پی کی طرف سے بارہا کئے گئے آپریشن کمل کی ناکامی نے اب کانگریس کو لوک سبھا انتخابات کی تیاریوں کے لئے راحت کی سانس لینے کا موقع فراہم کیا ہے۔

بنگلورومیں ایر و انڈیا ایر شو ، غیر معمولی حفاظتی انتظامات ،ٹریفک کی نگرانی کے لئے منصوبہ تیار

شہر گلستان بنگلو رمیں 20فروری سے ایرو انڈیا 2019 کاآغاز سخت سکیورٹی کے درمیان ہونے جارہا ہے۔ جموں وکشمیر میں پلوامہ حملے کے بعد ملک بھر میں بڑی ہوئی چوکسی کے درمیان اس شو کی شروعات ہورہی ہے۔

بی بی ایم پی کے بجٹ میں فلاحی اسکیموں اور ترقیاتی منصوبوں کی بھرمار، اثاثہ ٹیکس کے لئے 3500کروڑ کی آمدنی کا نشانہ 

برہت بنگلور مہانگر پالیکے میں آج 2019-20 کا بجٹ پیش کیاگیا۔ جس میں سماج کے کمزور طبقات اور غریبوں پر توجہ دینے کے ساتھ متوسط طبقے اور خواتین کے لئے بھی فلاحی اسکیمیں لاگو کرنے کا اعلان ہوا۔