سمندری طوفان مکونو عمان کے ساحل سے ٹکراگیا؛ تیز ہواؤں اور شدید بارشوں نے مچائی تباہی؛ 12افراد ہلاک

Source: S.O. News Service | By I.G. Bhatkali | Published on 26th May 2018, 2:29 PM | خلیجی خبریں |

عمان 26/مئی (ایس او نیوز/ایجنسیز)   سمندری طوفان مکونو عمان کے ساحلی علاقوں سے ٹکرانے کے نتیجے میں  جنوبی عمان کے صلالہ میں  تیز ہواؤں اور شدید بارشوں نے تباہی مچا دی ہے،  اور عمان ٹائمز کی رپورٹ کے مطابق ایک بچی سمیت 12 افراد ہلاک ہوگئے ہیں۔ ایک دوسری انگریزی میڈیا نے طوفان کے نتیجے میں 40 لوگوں کے لاپتہ ہونے کی بھی خبر دی ہے۔ میڈیا رپورٹوں کے مطابق لاپتہ ہونے والوں میں ہندوستانی شہری سمیت  یمنی اور سوڈانی شہری بھی شامل ہیں۔ بتایا گیا ہے کہ مکونو طوفان جمعہ کی شام کو عمان کے ساحل سے ٹکرایا تھا۔

تفصیلات کے مطابق سمندری طوفان مکونو یمن میں تباہی مچانے کے بعد عمان پہنچ گیا، تیز ہواؤں اور طوفانی بارش نے ساحلی علاقوں کو لپیٹ میں لے لیا جبکہ طوفان کے باعث عمان کا دوسرا بڑا صلالہ ائیرپورٹ بند کردیا گیا ہے اور ساحلی علاقوں  میں ہنگامی حفاظتی مراکز قائم کئے گئے ہیں۔واضح رہے کہ عمانی حکام نے میکونو طوفان کے پیش نظر  صلالہ ایئر پورٹ جمعرات سے ہی بند کرنے کا اعلان کیا تھا جبکہ طوفان سے مچی تباہی کو دیکھتے ہوئے آج سنیچر کو بھی ائیرپورٹ کو بند رکھا گیا ہے اور  صلالہ آنے اور جانے والی تمام پروزاوں کو دیگر ہوائی اڈوں کی طرف موڑ دیا گیا ہے۔میکونو طوفان کے باعث بندرگاہ بھی آج دوسرے دن کے لئے بند رہے۔

عرب میڈیا کے مطابق طوفان سے عمان کا صوبہ ظفار متاثر ہوا ہے، صلالہ میں سمندری لہروں میں طغیانی اور طوفانی بارشوں سے شہر میں سیلاب جیسی صورتحال پیدا ہوگئی ہے، نشیبی علاقے، سڑکیں اور انڈر پاسز زیرآب آگئے ہیں اور کئی مکانات  اور گاڑیاں پانی میں ڈوب گئیں ہیں۔

 محکمہ موسمیات کے مطابق اب تک 278ملی میٹر بارش ریکارڈ کی گئی ہے اور بتایا گیا ہے کہ یہ  عمان کی سب سے زیادہ بارش ہے۔ محکمہ موسمیات کی پیشگوئی کے مطابق موسلادھار بارش کا سلسلہ آئندہ 48گھنٹوں  تک جاری رہے گا۔ میڈیا رپورٹوں کے مطابق  کئی علاقوں میں طوفان بارش کے نتیجے میں  لینڈ سلائیڈنگ کے واقعات بھی پیش آئے ہیں جس کی وجہ سے حاسک اور الشویمیہ شاہراہ  مکمل طور پر بند ہوگئی ہے اور متعدد اضلاع  میں  زمینی رابطہ منقطع ہوگیا ہے۔ صلالہ، صرفیت، المزیونہ ، طاقہ اور دیگر علاقوں میں بارش کا سلسلہ  مسلسل  جاری ہے۔الوسطی اضلاع  میں بھی وقفے وقفے سے بارش ہورہی ہے۔ امدادی ٹیموں نے سیلابی ریلوں کی وجہ سے مزید علاقوں سے شہریوں اور تارکین کا انخلا کرویا ہے۔

رپورٹوں کے مطابق حکومت نے ساحلی علاقوں میں ایمرجنسی نافذ کردی ہے، اور متاثرہ علاقوں  میں ہنگامی امدادی سرگرمیاں جاری ہیں، طوفان میں گھرے افراد کو محفوظ مقامات پر منتقل کیا جا رہا ہے اور شہریوں کو نشیبی علاقوں اور ساحل سے دور رہنے کی ہدایت کی گئی ہے۔

محکمہ موسمیات کے مطابق  عمان کے ساحل سے ٹکرانے کے بعد طوفان کا رخ سعودی عرب کی جانب ہوگا جبکہ دوسرے درجے کا سمندری طوفان سعودی پہنچنے تک  تیسرے درجے میں تبدیل ہونے کا  امکان ہے، جس کے باعث مزید علاقے متاثر ہونے کا خدشہ ہے۔

 

ایک نظر اس پر بھی

بھٹکل کے علما و ذمہ داران کی دعاوں سے دبئی کے قریبی شہر عجمان میں کھلاڑیوں کے ملبوسات کے شوروم کا خوبصورت افتتاح

قریبی شہر عجمان میں بھٹکل کے نوجوان  عبدالباسط صوبیدار  کے  اسپورٹس وئیر کے شوروم کا گذشتہ روز خوبصورت افتتاح بھٹکل کے علماء و ذمہ داران کی دعاوں کے ساتھ کیا گیا ۔ شوروم میں  اسپورٹس کے کپڑوں کے ساتھ ساتھ   بچوں  کے کپڑوں سمیت خواتین کی اعلیٰ کوالٹی اور خوبصورت ڈیزائن کی ...

بھٹکل اور اطراف کے عوام توجہ دیں: دبئی اور امارات میں حادثات کے بڑھتے واقعات؛ ہندوستانی قونصل خانہ نے جاری کی سفری انشورنس کی ایڈوائزری

دبئی سمیت متحدہ عرب امارات کے مختلف شہروں اور قصبوں  میں  مختلف حادثات میں شدید  طور پر زخمی ہوکر اسپتالوں میں ایڈمٹ ہونے کی  تعداد میں  اضافہ کو دیکھتے ہوئے  اور اسپتالوں  میں اُن کا کوئی پرسان حال نہ ہونے  کے واقعات کا مشاہدہ کرنے کے بعد  ہندوستانی سفارت خانہ کی طرف سے  عرب ...

دُبئی میں 18 برس سے کم عمر بچوں کی ویزہ مفت؛ 15 جولائی سے 15 ستمبر تک رہے گی سہولیت

 متحدہ عرب امارات میں سیاحتی سیزن کے دوران غیر مُلکی سیاحوں کے 18 برس سے کم عمر بچوں کے لیے مفت ویزے کی سہولت فراہم کی جا رہی ہے۔ یہ اعلان فیڈرل اتھارٹی فار آئیڈینٹٹی اینڈ سٹیزن شپ کی جانب سے کیا گیا ہے۔ دُبئی میں ہر سال سیاحتی سیزن کا آغاز 15 جولائی سے ہوتا ہے جو 15 ستمبر تک جاری ...

بحرین میں بھٹکل مسلم جماعت بحرین کی خوبصورت عید ملن تقریب ؛ اناس افریقہ کو بیسٹ اسٹوڈینٹ کا ایوارڈ؛ قران حفظ کرنے پر اسعدمصباح کو بھی ملا خصوصی اعزاز

بھٹکل مسلم جماعت بحرین کا عید ملن پروگرام بروز جمعرات  13جون کو منعقد ہوا، جس میں  بچوں کے پروگرام بالخصوص نظمیں، کوئیز، کھیل مقابلے نہایت دلچسپ رہے، عید ملن تقریب میں تعلیمی ایوارڈ سمیت بچوں کی ہمت آفزائی  کے لئے  بعض خصوصی انعامات  سے بھی نواز گیا جبکہ   آخر میں ریفل ...

جون 13 کو ہوگا بھٹکل مسلم جماعت بحرین کا عید ملن پروگرام؛ ممبران سے شرکت کی درخواست

بھٹکل مسلم جماعت بحرین کی عید ملن تقریب انشاء اللہ 13 جون کو مناما کے    ویندھم گرینڈ ہوٹل (Wyndham Grand Hotel, Manama)  میں  منعقد کی گئی ہے جس میں  دلچسپ اور تفریحی پروگرام پیش کئے جائیں گے۔ اس بات کی اطلاع جماعت کے جنرل سکریٹری مولوی اظہرالدین آرمار نے دی ہے۔

بھٹکل مسلم ایسوسی ایشن ریاض کی عید ملن تقریب؛ نوائطی ڈرامے، کوئیز، فینسی ڈریس سمیت کئی دلچسپ پروگرام سے حاضرین نے اُٹھایا لطف

بھٹکل مسلم ایسوسی ایشن ریاض کی طرف سے عید کی رات ٹھیک 10بجے کراون پلازہ ہوٹل میں ایک شاندار عید ملن تقریب کا اہتمام کیا گیا جس میں  تفریحی پروگرام، بچوں کا فینسی ڈریس ، نوائطے ڈرامے، کوئز اور ریفل ڈراء  وغیرہ جیسے مختلف پروگراموں سے  حاضرین نے خوب لطف اُٹھایا۔