کمٹہ میں کروزر جیپ اور ٹمپو کے درمیان ٹکر؛ دس زخمی؛ سات کو شدید چوٹیں

Source: S.O. News Service | By I.G. Bhatkali | Published on 11th October 2017, 2:31 PM | ساحلی خبریں |

کمٹہ 11/اکتوبر (ایس او نیوز) تعلقہ کے دھاریشور میں کروزر جیپ اور ٹمپو کے درمیان ہوئی ٹکر میں جیپ پر سوار دس افراد زخمی ہوگئے جس میں سات کو شدید چوٹیں آئی ہیں۔

بتایا گیا ہے کہ کروزر جیپ پر سوار دس افراد ساگر سے گوکرن  میں مہابلیشور کا درشن کرنے کے بعد مرڈیشور مندر کا درشن کرنے جارہے تھے کہ ہوناور سے کمٹہ کی طرف جانے والی مسافر بردار ٹمپو سے ان کی جیپ ٹکراگئی۔ ذرائع کے مطابق جیپ کی رفتار کافی تیز تھی، اور ڈرائیور کے ہاتھوں بے قابو ہوکر ٹمپو سے ٹکراگئی۔ حادثے میں ٹمپو پر سوار سبھی لوگ محفوظ رہ گئے، البتہ جیپ پر سوار لوگوں کو چوٹیں آئیں۔

سبھی زخمیوں کو مقامی لوگوں نے  فوری طور پر کمٹہ سرکاری اسپتال منتقل کیا جہاں سے ابتدائی طبی امداد کے بعد سبھوں کو زائد علاج کے لئے ساگر روانہ کیا گیا ہے۔ حادثہ منگل کی شام پیش آیا۔

کمٹہ پولس تھانہ میں معاملہ درج کیا گیا ہے اور پولس مزید چھان بین کررہی ہے۔

ایک نظر اس پر بھی

یلاپور میں برقی تار چھونے سے دو کسانوں کی موت

ضلع اُترکنڑا کے یلاپور تعلقہ کے  ڈونڈیان کوپّا میں  دوکسان اُس وقت ہلاک ہوگئے جب وہ  منگل شام کو کھیتوں میں کام کاج نپٹا کر واپس گھر جارہے تھے کہ اچانک راستے پر پڑی برقی تار  پر ان کے قدم پڑ گئے۔

کاسر گوڈ میں پانچ سالہ بچے نے دکھایا حاضر دماغی اور بہادری کامظاہرہ؛ دو ساتھیوں کو ڈوبنے سے بچانے میں ہوا کامیاب

ایک پانچ سالہ بچے نے بے مثال حاضر دماغی اور بہادری کا مظاہرہ کرتے ہوئے 20فٹ گہری جھیل میں گرنے والے دو ساتھیوں کو ڈوب کر ہلاک ہونے سے بچالیاجس کی ستائش پورے علاقے میں ہورہی ہے۔

بھٹکل جالی پٹن پنچایت کے لئے کل بدھ کو ہوگا صدارتی انتخاب؛ سید آدم ہوں گے تنظیم کے حمایت یافتہ اُمیدوار

بھٹکل جالی پٹن پنچایت کی صدارت سے عبدالرحیم کے مستعفی ہونے کے بعد اُس جگہ کو پُر کرنے کل بدھ کو  صدارتی انتخاب ہوگا جس کے لئے مجلس اصلاح و تنظیم  نے سید  آدم  پنمبور  کو میدان میں اُتارنے کا فیصلہ کیا ہے۔

اترکنڑا میں 7081مردہ لوگ سرکاری  چاول کھاتے ہوئے پائے گئے؛ ڈپٹی کمشنر کے حکم پر خصوصی مہم کےذریعے ہوا حیرت انگیز انکشاف

 2,427 لوگ مرنے کے بعد بھی سرکاری ریکارڈ میں زندہ رہتے ہوئے ماہانہ وظیفہ لیتے ہوئے پائے گئے ہیں ، اتنا ہی نہیں بلکہ 7081مردہ لوگ ہر مہینہ  سات سات  کلو   راشن  چاول مفت میں لے کر کھانے کا بھی حیرت انگیز انکشاف ہوا ہے، جس کے نتیجے میں سرکاری خزانے کو خطیر رقم کا نقصان ہورہاتھا ۔