عراقی شیعہ رہنما مقتدیٰ الصدر کا سعودی عرب کا غیر عمومی دورہ

Source: S.O. News Service | Published on 31st July 2017, 6:07 PM | خلیجی خبریں |

ریاض،31جولائی(ایس او نیوز/آئی این ایس انڈیا): طاقتور عراقی شیعہ رہنما مقتدیٰ الصدر اتوار کے روز ایک غیر معمولی دورے پر سعودی عرب پہنچ گئے جہاں انہوں نے سعودی ولی عہد اور دیگر اعلیٰ سعودی حکام سے ملاقاتیں کیں۔مقتدیٰ الصدر عراق کے شیعہ مسلمانوں میں آیت اللہ السیستانی کے بعد طاقت ور ترین رہنما سمجھے جاتے ہیں۔ عراق شیعہ مسلمانوں کی اکثریت والے ملک ایران اور خطے کے دیگر سنی اکثریتی عرب ممالک کے درمیان واقع ہے۔
ایک دوسرے کے مدِ مقابل سعودی عرب اور ایران کے مابین خطے میں اثر و رسوخ میں اضافہ کرنے کے لیے سرد جنگ کی کیفیت ہے۔عراق اور سعودی عرب نے گزشتہ ماہ ہی دونوں ہمسایہ ممالک کے مابین دہائیوں تک خراب رہنے والے تعلقات کی بہتری اور اسٹریٹیجک رابطوں کی مضبوطی کے لیے ایک تعاون کونسل کے قیام کا اعلان کیا تھا۔
عراق اور سعودی عرب کے مابین سفارتی تعلقات پچیس برس بعد سن 2015میں اس وقت بحالی کی جانب گامزن ہوئے تھے جب سعودی عرب نے بغداد میں اپنا سفارت خانہ دوبارہ کھول دیا تھا۔ رواں برس فروری کے مہینے میں سعودی وزیر خارجہ عادل الجبیر نے بھی بغداد کا اولیں اور غیر معمولی دورہ کیا تھا۔عراق میں امریکا مخالف شیعہ رہنما مقتدیٰ الصدر کے معتقدوں کی بڑی تعداد ہے جو زیادہ تر عراق کے جنوبی شہروں میں مقیم ہے۔سعودی عرب کے دورے کے دوران الصدر نے جدہ میں سعودی فرماں روا کے بعد انتہائی طاقتور سمجھے جانے والے ولی عہد محمد بن سلیمان سے ملاقات کی۔ سعودی نیوز ایجنسی کے مطابق اس ملاقات میں دونوں رہنماؤں نے باہمی مفادات پر گفت گو کی۔

ایک نظر اس پر بھی

ایرانیوں کا پیغام واضح ہے، وہ نظام کی تبدیلی چاہتے ہیں : شہزادہ رضا پہلوی

سابق شاہ ایران کے بیٹے شہزادہ رضا پہلوی نے ایران میں مظاہروں کی اہمیت پر زور دیتے ہوئے باور کرایا ہے کہ ایرانی عوام 40 برس تک مذہبی آمریت کے نظام کے تحت زندگی گزارنے کے بعد اس بات پر قائل ہو چکے ہیں کہ اس نظام کی اصلاح ممکن نہیں۔

اب سو فیصد ڈیجیٹل حج؛ آن لائن اور ایپ کے ذریعے3.60 لاکھ درخواستیں موصول؛ سعودی میں مرکزی وزیر مختار عباس نقوی کا بیان

امسال سے حج سو فی صد  دیجٹل  ہوگا اور لوگوں کے ابآن لائن اور موبائل ایپ کے ذریعے درخواستیں موصول کئے جارہے ہیں، اب تک  آن لائن  اور موبائیل ایپ کے ذریعہ تین لاکھ  60 ہزار درخواستیں  حج کمیٹی کو موصول ہوچکی  ہیں۔  ہمارا حج کوٹہ پچھلے سال کی طرح امسال بھی پرایویٹ ٹور اپریٹرس ...