جدہ،24اگست(ایس او نیوز؍آئی این ایس انڈیا)سعودی عرب کے شہر جدہ میں روز حج کے موقع پر امن و امان کے ذمہ دار اداروں کی جانب سے ایک پریڈ کا اہتمام کیا گیا۔ حج سیکیورٹی فورسز کی پریڈ کے موقع پر ولی عہد شہزادہ محمد بن سلمان بن عبدالعزیز آل سعود سمیت ملک کی سرکردہ قیادت موجود تھی۔حج سیکیورٹی فورسز کی پریڈ میں مکہ مکرمہ کے گورنر شہزادہ محمد بن الفیصل اور وزیر داخلہ شہزادہ عبدالعزیز بن سعود بن نایف نے بھی شرکت کی۔ ولی عہد شہزادہ محمد بن سلمان نے حج سیکیورٹی فورسز کے پریڈ کے موقع پر حج کے موقع پر امن وامان کے انتظامات پر اطمینان کا اظہار کیا۔

حج فورسز کی جانب سے پریڈ کے اہتمام کا مقصد مکہ مکرمہ اور مشاہر مقدسہ میں حج کے دوران امن وامان برقرار رکھنے کے لیے تیاریوں کا اظہار ہے۔اس موقع پر شہزادہ خالد الفیصل نے کہا کہ حکومت زائرین بیت اللہ کی امن وسلامتی کو یقینی بنانے کے لیے تمام ممکنہ وسائل بروئے لائے گی۔ ان کا کہنا تھا کہ حج کے موقع پر ریاست کے تمام ادارے پوری تندہی اور ذمہ داری سے کام کررہے ہیں۔ ہمارامقصد حج کے موقع پر عازمین حج کو شعائر اسلام کی ادائی میں ہرممکن سہولت بہم پہنچانا ہے۔