اعظم گڑھ میں پولس اور بد معاشوں میں تصادم:50ہزار روپے کا انعامی بد معاش گرفتار
اعظم گڑھ،18؍اگست(ایس او نیوز؍آئی این ایس انڈیا ) اعظم گڑھ کے اہرولہ تھانہ علاقے کے قصبہ میں جمعہ کی دیر رات پولس کی بائک سوار تین بد معاشوں سے تصادم ہو گیا۔ حادثے میں جہاں50ہزارکا انعامی بد معاش زخمی ہوا وہیں تصادم میں ایک سپاہی بھی بد معاشوں کی فائرنگ سے زخمی ہو گیا۔ دونوں کو علاج کے لئے ضلع اسپتال میں داخل کرایا گیا ہے ۔ پولس نے بد معاش کے قبضے سے طمنچہ ،کارتوس اور بائک بر آمد کیا ہے ۔
ڈی آئی جی اعظم گڑھ نے دعویٰ کیا ہے کہ گرفتار پچاس ہزار کا انعامی بد معاش اپنے تین ساتھیوں کیس اتھ مل کر ایک ہفتے قبل اہرولہ قصبے میں مٹھائی فروش کی دندہاڑے گولی مار کر قتل کر دیا تھا ۔غور طلب ہے کہ گزشتہ گیارہ جولائی کو اہرولہ قصبے کے متلو پور گاؤں کے رہنے والے جتیندرحلوائی اپنی دوکان پر بیٹھے ہوئے تھے ۔ اسی دوران بائک سوار تین بد معاش دوکان پرپہنچے اور پہلے چائے پی پھر دکان دار کوسلسلہ وار فائرنگ کر کے موت کے گھاٹ اتار دیا ۔ جب تک لوگ کچھ سمجھ پاتے بد معاش اسلحہ لہراتے ہوئے موقع سے فرار ہو گئے تھے۔ اس واردات کو پولس نے چیلنج کے طور پر منظور کرتے ہوئے کئی پولس ٹیموں کی تشکیل کر کے بد معاشوں کی گرفتاری کے لئے لگایا تھا ۔ اسی دوران 17جولائی کیرات اترولیا پولس نے واردات میں شامل ایک بد معاش اکبر علی ساکن قصبہ اترولیا کو گرفتار کر کے اہرولہ پولس کو سونپ دیا ۔
اہرولہ پولس نے دو سپاہی بائک پر بیٹھا کر ملزم کو اہرولہ تھانے لا رہے تھے کہ رات تقریباً دس بجے بہیرا مین گیٹ کے ذریعہ پاس ایک موٹر سائیکل پر سوار دو افراد کے ذریعہ موٹر سائیکل کو ٹکر مار کر فائر کرتے ہوئے اکبر علی کو پولس حراست سے چھڑا کر فرار ہونے لگے جس کی اطلاع تھانہ صدر اہرولہ اور ڈائل 100کو دی گئی ۔اس کے بعد پولس نے منصوبہ بند کاروائی کرتے ہوئے پولس اہلکاروں کو ان کی گرفتاری کے لئے سر گرم کر دیا ۔بد معاشوں کے تعاقب کے دوران موٹر سائیکل پر فرار ہو رہے بد معاشوں نے خود کو گھرا ہوا دیکھ کر فائرنگ شروع کر دیا جس میں پولس نے بھی جوابی فائرنگ کی اورحولدار دین بندھو یادو کو گولی لگی اور زخمی ہو گیا پولس دستے کے ذریعہ کی گئی جوابی فائرنگ میں ایک بد معاش کو بھی گولی لگی ہے ۔ڈی آئی جی اعظم گڑھ رینج وجے بھوشن نے بتایاکہ بد معاشوں نے پولس کی حراست سے ملزم کو چڑھانے کی ہمت کی ہے ۔ ان کے خلاف معاملہ رجسٹرد کر لیا گیا ہے ۔ پولس اس معاملے میں گرفتار بد معاش سے پوچھ تاچھ کی بنیاد پر ان کی شناخت کر لی ہے ۔ جلد ہی دونوں ملزمین کو گرفتار کر لیا جائے گا۔