2018 ایشیائی کھیلوں سے باہر ہوا کرکٹ
نئی دہلی،22اپریل(ایس او نیوز؍آئی این ایس انڈیا)سال 2018 میں ہونے والے ایشیائی کھیلوں میں کرکٹ کو شامل نہیں کیا گیا ہے۔ایشیائی اولمپک کونسل (او سی اے) نے اپنے ایک بیان میں کرکٹ کو ایشیائی کھیلوں سے باہر کرنے کی بات کہی ہے۔ انڈونیشیا میں ہونے والی ایشیائی کھیلوں میں اس بار 39 کھیلوں کو شامل کیا جائے گا۔ اس سے پہلے سال 2010 میں کرکٹ کے سب سے چھوٹے فارمیٹ ٹی 20 کو ایشیائی کھیلوں میں شامل کیا تھا، پر کرکٹ کو لے کر او سی اے کی سب سے بڑی شکایت یہ رہی ہے کہ آئی سی سی سے منسلک ملک اس میں اپنی دوسرے درجے کی ٹیمیں ہی بھیجتے رہی ہیں۔ اس کی وجہ کرکٹ مقابلے دلچسپ نہیں ہوتے۔ ایسے میں او سی اے نے اس بار کرکٹ کو باہر کر دیا۔
ہندوستانی ٹیم ایک بار بھی ایشیائی کھیلوں میں شامل نہیں ہوئی ہے۔ ایشیائی کھیلوں میں مردوں اور خواتین دونوں ٹیمیں حصہ لے سکتی تھی، پر بی سی سی آئی نے ایک بھی ٹیم نہیں بھیجی۔ وہیں پاکستان، سری لنکا، بنگلہ دیش نے ہمیشہ اپنی کمزور ٹیموں کو ہی بھیجا ہے۔ اس میں صرف چین، ہانگ کانگ، کویت، ملائیشیا، مالدیپ، نیپال اور جنوبی کوریا جیسے ممالک کی انتہائی کمزور ٹیمیں حصہ لینے کی رسمی خانہ پوری ہی کررہی تھیں۔ ایسے میں او سی اے کے پاس کرکٹ کو باہر کرنے کے علاوہ اور کوئی دوسرا راستہ نہیں تھا۔ایشیائی کھیلوں میں کرکٹ کے ٹی 20فارمیٹ کو شامل کئے جانے کے بعد سے سری لنکا (2010) اور بنگلہ دیش (2014) نے ایک ایک بار طلائی تمغہ جیتا تھا۔ وہیں پاکستان کی خواتین کرکٹ ٹیم نے دو بار طلائی جیتا جبکہ بنگلہ دیش کی ٹیم دوسرے نمبر رہی ہے۔