نئے تعلقہ جات کے قیام کو عملی شکل دینے اسمبلی میں مطالبہ

Source: S.O. News Service | By Shahid Mukhtesar | Published on 10th July 2018, 10:48 AM | ریاستی خبریں |

بنگلورو10؍جولائی(ایس او نیوز) ریاست میں 50نئے تعلقہ جات کے قیام کا اعلان صرف اعلان بن کر رہ گیا ہے ،کسی بھی نئے تعلقہ کے قیام کے لئے عملی طور پر کوئی قدم اٹھایا نہیں گیا۔ یہ موضوع آج ریاستی اسمبلی میں کچھ دیر موضوع بحث بنارہا۔ وقفۂ سوالات میں بی جے پی کے سنیل کمار نے یہ سوال اٹھایا کہ ان نئے تعلقہ جات میں انتظامیہ کب وجود میں آئے گا اور یہاں پر منی ودھان سودھا کی تعمیر کب ہوگی۔ اس مرحلے میں وزیر مالگذاری آر وی دیش پانڈے نے جواب دیا کہ متعدد تعلقہ جات میں منی ودھان سودھا کی تعمیر کے لئے جگہ کی نشاندہی کی گئی ہے اور اس کا تخمینہ تیار کرکے ریاستی حکومت کو روانہ کرنے کی ہدایت بھی دی گئی ہے۔ انہوں نے کہاکہ منی ودھان سودھا کی تعمیر کو انتظامی منظوری کے فوراً بعد اس کی تعمیر شروع کردی جائے گی۔ تعلقہ جات میں انتظامیہ کی شروعات کے لئے ہر تعلق کو دس لاکھ روپیوں کا گرانٹ متعلقہ ضلع کے ڈپٹی کمشنر کے ذریعے جاری کیا گیا ہے۔ انہوں نے کہاکہ جو نئے تعلقہ جات وجود میں آئے ہیں وہاں کے اراکین اسمبلی کو چاہئے کہ انتظامیہ کے قیام میں جو دشواریاں حائل ہیں ان سے حکومت کو باخبر کرائیں اس مرحلے میں اسپیکر رمیش کمار نے بھی اراکین اسمبلی کو ہدایت دی کہ نئے تعلقہ جات کے قیام میں اگر کسی طرح کی پریشانی ہے تو انہیں آگاہ کرائیں وہ حکومت تک اس پریشانی کو پہنچائیں گے۔

ایک نظر اس پر بھی

ہندو لیڈر سورج نائک سونی نے اننت کمار ہیگڈے کو کہا،مودی حکومت کا داغدار وزیر؛ اُس کی مخالفت میں کام کرنے کے لئے نوجوانوں کی ٹیم تیار

ضلع شمالی کینرا میں ایک نوجوان ہندو لیڈر کے طور پر اپنی پہچان رکھنے والے کمٹہ کے سورج نائک سونی نے اخباری کانفرنس سے خطاب کرتے ہوئے کہا کہ’’ وزیر اعظم نریندر مودی کی قیادت میں چل رہی مرکزی حکومت میں اننت کمار ہیگڈے کی حیثیت ایک داغداروزیر کی ہے۔ اور ایسا لگتا ہے کہ انہیں ...

کرناٹک میں نوٹیفکیشن کے پہلے دن 6؍امیداروں کی نامزدگیاں داخل 

ریاست میں لوک سبھا الیکشن کے پہلے مرحلہ میں 14؍سیٹوں پر 18؍اپریل کو ہونے والے الیکشن کے لئے پرچہ نامزدگی کرنے کا آغاز ہوگیا ۔ پہلے دن چار حلقوں میں6؍ امیدواروں کی جانب سے 11؍ مزدگیاں داخل کئیں۔ یہ اطلاع ریاستی الیکشن افسر سنجیو کمار نے دی۔

بنگلورو کے تینوں پارلیمانی حلقوں میں ڈی سی پیز کی زیرنگرانی سخت بندوست لائسنس یافتہ 7؍ہزار ہتھیارات تحویل میں :پولیس کمشنر ٹی۔ سنیل کمار

پولیس کمشنر ٹی۔ سنیل کمار نے بتایا کہ بنگلور سنٹرل ،بنگلور نارتھ اور بنگلور ساؤتھ لوک سبھا حلقوں میں ہونے والے پارلیمانی انتخابات کے لئے ڈپٹی کمشنر آف پولیس (ڈی سی پی) سطح کے پولیس افسروں کی نگرانی میں پولیس کا سخت بندوبست کیاگیا ہے۔

کرناٹک میں انتخابات متحد ہوکر لڑنے کانگریس جے ڈی ایس کا فیصلہ 

اگلے لوک سبھا انتخابات کی تیاریوں کے درمیان کانگریس اور جے ڈی ایس کو مقامی سطحوں پر جن مشکلوں کاسامنا کرنا پڑرہاہے ان سے نپٹنے اور متحد ہوکر انتخابات لڑنے کے ساتھ ریاست میں زیادہ سے زیادہ سیٹوں پر کامیابی حاصل کرنے کے لیے آج کانگریس اور جے ڈی ایس قائدین کااعلیٰ سطحی اجلاس ہوا۔ ...

دھارواڑمیں زیر تعمیر عمارت گر گئی ، 2افراد ہلاک ، کئی زخمی 

دھارواڑ میں زیر تعمیر 5منزلہ عمارت بیٹھ گئی جس کے سبب 2افراد ہلاک اورکئی افراد کے زخمی ہونے کی اطلاع ملی ہے ۔ اس حادثے میں سلیم مکاندار (28)ہلاک ہوگئے ہیں ۔ دھارواڑ کے کمار میشورنگر میں زیر تعمیر کامپلکس گرگیا۔ ملبے کے نیچے دبے ہوئے افراد کو باہر نکالنے کے لیے محکمۂ پولیس ، فارئر ...