سی پی ایم نے لگایا سی اے جی کی رپورٹ لیک ہونے کا الزام

Source: S.O. News Service | By Shahid Mukhtesar | Published on 13th February 2019, 12:43 AM | ملکی خبریں |

نئی دہلی،12 ؍فروری (ایس او نیوز؍آئی این ایس انڈیا) سی پی ایم نے لڑاکا طیارے رافیل پر کمپٹرولر اینڈ آڈیٹر جنرل (کیگ) کی رپورٹ کے پارلیمنٹ میں پیش ہونے سے پہلے اس کے کچھ حصے کو نیوز چینلز پر نشر ہونے پر سوال کھڑا کرتے ہوئے رپورٹ کے لیک ہونے کا الزام لگایا ہے۔

سی پی ایم کے لوک سبھا رکن محمد سلیم نے منگل کو پریس کانفرنس میں بتایا کہ رافیل خریداری معاملے میں کیگ کی رپورٹ پیش کئے جانے کا بحث تھی۔لیکن یہ رپورٹ ایوان میں پیش نہیں کی گئی۔انہوں نے کہا کہ اس دوران کچھ نیوز چینلز پر اس رپورٹ سے جڑی خبریں نشر کی گئیں۔سلیم نے کہا کہ کیگ رپورٹ سب سے پہلے پارلیمنٹ کے سامنے پیش کیا جانا پارلیمانی استحقاق ہے۔

انہوں نے کہا کہ مجھے نہیں معلوم کہ پارلیمنٹ کی پہنچ سے دور رہی کیگ رپورٹ نیوز چینلز تک کیسے پہنچ گئی۔اس کا حکومت کے پاس بھی کوئی جواب نہیں ہے۔سلیم نے حکومت پر سرکاری اعداد و شمار کے پبلشنگ کا بندوبست کو تباہ کرنے کا الزام لگاتے ہوئے کہا کہ حکومت کے اعداد و شمار کی جانچ کرنے والی کمیٹی کی میٹنگ گزشتہ سال اکتوبر سے ہی نہیں ہوئی ہے۔بجٹ تجویز پر وزیر خزانہ کے جواب میں بھی حکمراں فریق کی جانب سے روزگار سمیت مختلف مسائل پر اعداد و شمار کی بات نہیں کی گئی۔

سلیم نے کہا کہ اب یہ دیکھنے والی بات ہوگی کہ پانچ سال سے اعداد و شمار جمع نہیں ہونے کی بات کہہ چکی حکومت بجٹ سیشن کے آخری دن بدھ کو رافیل معاملے پر کیگ کی رپورٹ پارلیمنٹ میں پیش کرتی ہے یا نہیں۔آپ کے کنوینر اروند کیجریوال کی یکجہتی کے لیے بدھ کو دہلی میں منعقد ریلی میں سی پی ایم کے شامل ہونے کے سوال پر سلیم نے کہا کہ انہیں ریلی کے مقصد سمیت دیگر حقائق کی معلومات نہیں ہے۔قابل ذکر ہے کہ کیجریوال کی ریلی میں ٹی ڈی پی صدر چندرا بابو نائیڈو اور ترنمول کانگریس صدر ممتا بنرجی سمیت اپوزیشن پارٹیوں کے دیگر رہنماؤں کے شامل ہونے کی امید ہے۔

ایک نظر اس پر بھی

لوک سبھا انتخابات 2019: مہاراشٹر کے سابق وزیر اعلی نارائن رانے کا دعوی، اکیلے لڑیں گے عام انتخابات

لوک سبھا انتخابات میں چند ماہ کا وقت رہ گیا ہے، اور اتحاد کا بننا۔ٹوٹنا اس وقت عروج پر ہے۔ایک طرف پورا اپوزیشن وزیر اعظم نریندر مودی اور ان کی بھارتیہ جنتا پارٹی کے خلاف متحد ہونے کی کوششوں میں مصروف ہے،