جج لویا کیس: وکلاء میں تیکھی تکرار، سپریم کورٹ گرم، کہا؛ عدالت کومچھلی مارکیٹ نہ بنائیں
نئی دہلی 5/فروری (ایس او نیوز/ایجنسی) سپریم کورٹ میں پیر کو جج لويا معاملے کی سماعت کے دوران وکلاء کے درمیان تیکھی بحث دیکھنے کو ملی، جس کے بعد عدالت کو یہاں تک کہنا پڑا کہ کورٹ میں بحث کی سطح کو 'مچھلی بازار' جیسا نہ بنایا جائے. درخواست گزاروں کے وکیل دُشینت دوے اور ایک دوسرے درخواست گزار کے وکیل پلّو سسودیا بار بار تیز آواز میں بحث کرتے نظر آئے جس پر عدالت نے سخت ناراضگی ظاہر کی اور اسے مکمل طور 'رد' کردیا. خاص بات یہ ہے کہ بحث کے دوران، سپریم کورٹ کے چار ججوں کی پریس کانفرنس اور بی جے پی صدر امت شاہ کا بھی ذکر ہوا
سنوائی کے دوران، بمبئی لائیرس اسوسی ایشن کے وکیل دوشینت دوے کو عدالت نے جم کر پھٹکار لگائی. جسٹس ڈی وای چندرچوڈ نے کہا، "ہمیں اس عدالت میں بحث کو مچھلی بازار کی سطح پر نہیں لے جانا چاہئے. جب ایک جج کچھ کہہ رہا ہے، تو آپ کو چلاتے ہوئے اُنہیں بولنے سے نہیں روکنا چاہئے شری مان دوے، آپ کو میری بات سنی ہی پڑے گی. آپ اُس وقت بولئے جب آپ کی باری آئے ، جسٹس چندرچوڑ کو جواب دیتے ہوئے دوے نے کہا، '' نہیں، میں ایسا نہیں کروں گا.' قابل اعتماد جج، آپ کو پلّو سسودیا اور ہریش سالوے کو اس کیس میں پیش ہونے سے روکنا چاہیے تھا. آپ کو اپنی انتر اتما کو جواب دینا ہوگا. اس پر بینچ نے جواب دیا، 'آپ ہمیں انتر اتما کے بارے میں مت سکھائیں۔'.