نئی دہلی، 23/فروری(ایس او نیوز/آئی این ایس انڈیا)دہلی کی اسپیشل سی بی آئی کورٹ نے نے چھتیس گڑھ حکومت کے پرنسپل سکریٹری بی ایل اگروال کی رشوت خوری کے معاملے میں گرفتار سید برہان الدین کو پانچ دنوں کی سی بی آئی کی حراست میں بھیج دیا ہے۔ سید برہان الدین نے اپنے آپ کو وزیر اعظم کے دفتر کا افسر بتا کر اگروال سے رشوت لی تھی۔ آپ کو بتا دیں کہ 21 فروری کو سی بی آئی کورٹ نے بی ایل اگروال کو پانچ دنوں کی پولیس حراست میں بھیجا تھا۔ اگروال 1998 بیچ کے آئی اے ایس افسر ہیں۔ سی بی آئی نے اگروال کے دفتر اور دوسرے ٹھکانوں پر چھاپہ مار کر بیس لاکھ روپے اور دو کلو گرام سونا ضبط کیا تھا۔ اگروال پر الزام ہے کہ انہوں نے اپنے خلاف سی بی آئی جانچ کو ختم کروانے کے لئے دلال کو رشوت دی تھی۔ یہ معاملہ اس وقت کا ہے جب اگروال چھتیس گڑھ کی صحت سیکرٹری تھے۔سی بی آئی نے ایک معاملے میں اگروال کے خلاف چارج شیٹ دائر کر دیا ہے جبکہ دوسرے میں جانچ چل رہی ہے۔