ای۔پراپرٹی منصوبے کے سلسلے میں درپیش مسائل کو وزیر اعلیٰ کے علم میں لایا جائے گا: ضلع پنچایت سی ای او
کاروار29؍نومبر (ایس او نیوز)حکومت کی طرف سے جائیداد کے سلسلے میں جو ای۔پراپرٹی منصوبہ عمل میں لایا گیا ہے اس کے تعلق سے بہت سارے مسائل سامنے آرہے ہیں۔ ضلع پنچایت سی ای او مسٹر ایل چندر شیکھر نے بتایا کہ 6اور7دسمبر کو وزیر اعلیٰ کے دورے وقت ان مسائل کو ان کے علم میں لایا جائے گا۔
سی ای اونے یہ بات ضلع پنچایت کی عام میٹنگ کے دوران اس وقت کہی جب ضلع پنچایت رکن جی این ہیگڈے نے بتایا کہ دیہی علاقوں کے لوگ جب شہری علاقے میں کوئی پراپرٹی خریدتے ہیں تو انہیں سرٹفیکیٹ دینے کے دوران افسران کی طرف سے رکاوٹیں پیدا کی جاتی ہیں۔سی ای او نے کہا کہ اس ضمن میں ضروری اقدام کرنے کے لئے تعلقہ پنچایت سی ای او اور ضلع پنچایت ڈیولپمنٹ افسران کو ہدایات جاری کی گئی تھیں۔ مزید اس طرح کے مسائل کو وزیر اعلیٰ کے روبرو پیش کیا جائے گا۔