منی پال میں طوائف خانہ پر پولیس کا چھاپہ۔10افراد گرفتار۔2پولیس والے معطل
اڈپی30؍جنوری (ایس او نیوز) پولیس کے اعلیٰ افسران کے ساتھ ’فون اِن‘ پروگرام میں شکایت ملنے پر کارکلا اے سی پی کرشنا کانت کی قیادت میں پولیس ٹیم نے منی پال میں چل رہے طوائف خانے پر چھاپہ مارا اور وہاں سے لڑکیوں کی دلالہ (پِمپ) کے ساتھ 10افراد کو گرفتار کرلیا۔ اس کے ساتھ ہی اپنے فرائض ادا کرنے میں کوتاہی کے لئے ایک اسسٹنٹ سب انسپکٹراورایک کانسٹیبل کو بھی معطل کردیا گیا۔
کہاجاتا ہے کہ جسم فروشی کا یہ اڈہ منی پال کے ایک گاؤں بڈاگابیٹّو میں وادی راج امین عرف وادی اپنی بیوی کے ساتھ مل کر چلارہاتھا۔اس فحاشی کے اڈے کی وجہ سے وہاں کے مقامی لوگ بہت پریشان تھے، بلکہ ان کا چلنا پھرنا دوبھر ہوگیا تھا۔ مقامی پولیس کو جانکاری ہونے کے باوجود اس فحاشی کے اڈے کو بند نہیں کیا جارہا تھا۔اس لئے ’فون اِن ‘ پروگرام کے دوران اس طوائف خانے کے تعلق سے وہاں کے کسی رہائشی نے سپرنٹنڈنٹ آف پولیس سے شکایت کردی۔ جس کے بعد پولیس ٹیم کو چھاپہ مارنے کے لئے بھیج دیا گیا۔ پولیس نے 10افراد کوگرفتار کرنے کے علاوہ65,250روپے نقد، کنڈومس اور دیگر بہت ساری اشیاء موقع پر سے ضبط کرلی۔منی پال پولیس اسٹیشن میں کیس درج کرلیا گیا ہے۔
ڈسٹرکٹ ایس پی نے متعلقہ طوائف خانے کے خلاف کارروائی کے بعدمنی پال پولیس اسٹیشن کے اسسٹنٹ سب انسپکٹر شیکھر اور کانسٹیبل سریش کو اپنے فرائض ادا کرنے میں غفلت برتنے پر معطل کردیا ہے۔
بھٹکل کی ایک دوکان کے لئے بھٹکل میں مقیم اچھی تنخواہ پر ایک قابل Accountant کی ضرورت ہے۔ رابطہ کریں: |